Čuovo ášši

Alimusrievtti riektegieđahallamat leat measta álo njálmmálaččat ja eanaš háviid besset olbmot boahtit guldalit. Riektegieđahallamat lávejit leat maŋŋebárggas bearjadahkii ja álget dii. 09.00 ja boradeapmi lea dii. 11.45 – 12.30. Áššit, mat gieđahallojit ja áiggit goas guoddaleamit gieđahallojit, leat áššelisttus.

Jos áiggožat čuovvut ášši, de lea vuogas várret moadde minuhta sihkkarvuođadárkkisteapmái Alimusrievtti vuostáváldimis.

Juohke áššis álgá riektegieđahallan viđain duopmáriin. Áššejođu dihtii de bargá Alimusriekti guovtti bálddalaš ossodagas.

Muhtumin gieđahallo ášši stuorrakámmáris 11:in duopmáriin, dahje olles Alimusrievtti dievasčoahkkimis.

Duopmárat oassálastet vuorroortnega mielde goappašiin ossodagain ja guoddalanlávdegottis.