Finnmárkoláhka deattuha nannosit ahte riiddut geahččaluvvojit čovdot šiehtadallamiid bokte. Finnmárkoláhka § 35 (lovdata.no) láhččá dili nu ahte oasehasat galget sáhttit šiehtadallat maŋŋágo Finnmárkokomišuvdna lea ovddidan rapporta. Kommišuvdna sáhttá soabadallat šiehtadallamin. Jus oasehasat sohpet, sáhttá dát soabadeapmi gulahuvvot čálalaš soahpamuššan.
Lea dehálaš diehtit ahte jus ii geahččal čoavdit riiddu šiehtadallama bokte ovdalgo ášši ovddiduvvo meahcceduopmostullui, sáhttá váikkuhus leat ahte stáda ii govčča oasehasa dárbbašlaš áššegoluid. Dat čuovvu finnmárkolága § 43 ovdabargguin.
Riiddut mat ovddiduvvojit meahcceduopmostullui eai ovddiduvvo soabadanráđđái soabadeapmái. Oasehasat geat eai leat ovttaoaivilis Finnmárkokomišuvnna loahppacealkámušain, sáhttet dáhttu kommišuvnna soabadeapmái. Kommišuvdna ii leat geatnegahtton soabadit jagi ja guhtta mánu maŋŋágo kommišuvnna rapporta lea ovddiduvvon.