Finnmárkku Meahcceduopmostuolu guovlu 4 geassemánu 1.b.2024 áššečuoččáldahttin

Finnmárkku meahcceduopmostuollu lea ožžon máŋga áššečuoččáldahttima Finnmárkkukommišuvnna oasseraporttaid geažil "Siskkáldas riektedilálašvuođat boazodoalus". Muhton áššečuoččáldahttima leat sádden vuostebeliide gulahallamii. Vuostebeliide lea addon áigemearri vástidit daid mearkkašumiid ja  čuoččuhusaid mat leat ovddiduvvon.  Eará čuoččáldahttimin váilot dieđut mat leat gáibiduvvon finnmárkkulága vuođul. Meahcceduopmostuollu lea bivdán dáid áššiin sáddet guoskevaš dieđuid.

Go vástidanáigi lea dievvan, de meahcceduopmostuollu dađistaga guorahallá áššiid. Dasto dahkko plána viidáset meannudeapmái. Ášši bealálaččat gohččojuvvojit nu gohčoduvvon plánačoahkkimii mii heive ášši bealálaččaide. Meahcceduopmostuollu šiehtada beliin mo buoremusat heive čađahit plánadigaštallama – nugo  telefovnna bokte, videokonferánssa bokte dahje fysalaš deaivvademiin.

Meahcceduopmostuollu ja ášši bealálaččat ságastit plánenčoahkkimis earret eará, gáibiduvvo go áššis eanet ráhkkaneapmi, ja goas heive doallat  váldošiehtadallama. Viidáseappot čielggaduvvo lea go dárbu báikegeahčadeapmái áššiin - mii mearkkaša ahte ahte meahcceduopmostuollu ja ášši bealálaččat oktan proseassafápmudusain vuolget riidoguvlui iskan dihtii vejolaš beliid guovllus mat sáhttet mearkkašit meahcceduopmostuolu meannudeapmái. Vásáhus lea ahte dat rievdá áššis áššái ja daid duođaštusgažaldagaid ektui mat leat ovddiduvvon, ahte leago dárbu dákkár báikegeahčadeapmái.  

Dálá dili ektui de lea eahpesihkar geargá go meahcceduopmostuollu čađahit váldošiehtadallamiid muhtun áššiin 2024:s. Dan galgá viidáset áššeráhkkaneapmi čielggadit.