Cuoŋománu 21.b. 2023 duopmu oamastanvuoigatvuhtii Kárášjoga opmodahkii
Guokte gáibádusa áššis mat gusket kollektiivvalaš opmodatvuoigatvuhtii Kárášjogas maid Finnmárkkuopmodat (FeFo) válddi badjelassii Statskogas 2006:as, ledje ovttastahtton oktasaš meannudeapmái Finnmárkku meahcceduopmostuolus. Riidu guoská geasa gullá opmodatvuoigatvuohta, Finnmárkkuopmodahkii dahje guovlluolbmuide Kárášjogas, dahje dušše sápmelaččaide Kárášjogas. Meahcceduopmostuolu eanetlohku (3) celkkii ahte opmodatvuoigatvuohta gullá kollektiivvalaččat buohkaide geat áiggis áigái lea registreren ássančujuhusa Kárášjogas. Opmodatvuoigatvuohta lea hahkkojuvvon dološ áigásaš geavaheami vuođul, ja ii ge lean loahpahuvvon. Eanetlohku oaivvildii ahte stáda ii lean háhkan opmodatvuoigatvuođa guovllu geavaheapmái sajáiduvvan riektedili vuođul. Unnitlohku (2) oaivvildii ahte guovlluolbmot eai lean háhkan opmodatvuoigatvuođa guvlui.