Boahtán vuoigatvuođadieđáhusat 9. guovlu
Buot boahtán vuoigatvuođadieđáhusaid/gáibádusaid, liigedieđuid ja vuoigatvuođadieđáhusaid mearkkašumiid, bidjat dađistaga deikke.
Mii ávžžuhat daid geain soitet leat vuoigatvuođat ovddidit vuoigatvuođadieđáhusa vejolaš vuoigatvuođain. Mielddusin dieđihanskovvái ávžžuhat mii merket gáibádusguovllu(id) kártii, ja sáddet daid midjiide oktan dieđáhusain/skoviin. Digitála kárttat leat gávdnamis ee. čuovvovaš neahttasiiddus: www.nordatlas.no. Lea maid vejolaš geavahit báberkárttaid.
Lea vejolaš ovddidit vuoigatvuođadieđáhusaid nu guhká go komišuvdna čielggada gáibádusguovllu.
Boahtán vuoigatvuođadieđáhusat njukčamánu 20. b. 2025 muttus
Dán rádjái leat boahtán 36 vuoigatvuođadieđáhusa. Dieđáhusaid gávnnat dás vuolábealde. Dán listtus leat 38, muhto 2 dieđáhusa leat čuldon. Dieđáhusat leat maid merkejuvvon kártii, earret dieđáhus nr. 15, 30 ja 38.
Mii ávžžuhit oasehasaid/ dieđáhusovddideddjiid dárkkistit min kártamerkema ja dieđihit jos leat meattáhusat.
Fuomášahttit ahte komišuvdna ii leat árvvoštallan dáid dieđáhusaid. Dan dahká komišuvdna go loahpaha barggu guovllus ja almmuha raportta.
Lassidieđuid maid mii vuostáiváldit iešguđetge dieđáhusaid birra biddjojit dađistaga dieđáhusaid vuollái dás vuolábealde.
Vuoigatvuođadieđáhusat almmuhuvvojit dan gillii go leat ovddiduvvon.
Buot boahtán dieđáhusat - listu.pdf (dárogillii)