Guovllu opmodatdilli
Finnmárkokomišuvdna lea opmodatregistara (matrihkkala) vuođul ráhkadan 9. guovllu Porsáŋggu kártta, mii čájeha registrerejuvvon opmodatdieđuid.
Komišuvdna galgá kártet dálá geavahan- ja eaiggáduššanvuoigatvuođaid daid eatnamamiin maid Finnmárkkuopmodat (FeFo) váldii háldosis Statskog SF:as suoidnemánu 1. b. 2006. Komišuvdnii lea danin deaŧálaš diehtit mii lea FeFo-hálddašuvvon eana ja mii ii leat (priváhta eana).
Fuomášuhttit ahte dán registaris sáhttet leamen meattáhusat ja boasttuvuođat, earret eará opmodatrájáid ektui. Jos kártadieđut eai leat riekta, váldde oktavuođa báikkálaš registareisseválddiin; gielddain.
Jos háliidat oaidnit opmodagaid ja opmodatrájáid buorebut, geahča www.norgeskart.no.