8. guovlu Guovdageaidnu – Rabas gulaskuddančoahkkin skábmamánu 13.–14. b. 2024
Skábmamánu 13.–14. beaivve 2024 lágida Finnmárkokomišuvdna gulaskuddančoahkkima 8. čielggadanguovllus Guovdageainnus vuoigatvuođadieđáhusaid birra. Čoahkkin lágiduvvo Guovdageainnus, Thon hoteallas.
Vuoigatvuođadieđáhusat mat gieđahallojit leat dieđáhusat mat leat kollektiiva vuoigatvuođadieđáhusat olles čielggadanguvlui ja vuoigatvuođadieđáhusat lulábealde márkana.
Čoahkkin lea rabas guldaleddjiide/gehččiide.
Gulaskuddančoahkkimat
Komišuvnna gulaskuddančoahkkimat leat birrabeavdeságastallamat gos komišuvdna, dieđáhusovddideaddji(t) ja čielggadanguovllu beroštusovddasteaddjit oassálastet ja ságastallet vuoigatvuođadieđáhusaid birra. Dat mearkkaša ahte dieđáhusovddideaddjit váldet saji birra beavddi vuoruid mielde prográmma vuođul.
Dás beassá dieđáhusovddideaddji ovdanbuktit áššistis njálmmálaččat, ja komišuvdna ja beroštusovddasteaddjit sáhttet gažadit.
Dieđáhusovddideaddjit sáhttet searvat máŋggain ovddasteddjiiguin ja informánttaiguin, ja mii ávžžuhat sihke nissonolbmuid ja almmáiolbmuid searvat.
Gulaskuddančoahkkin čađahuvvo sámegillii ja dárogilli. Mii báddet čoahkkima.
Boahtte gulaskuddančoahkkin vuostáiváldon dieđáhusaid birra plánejuvvo čađahuvvot njukčamánu 26.–27. beaivve 2025.
Dieđut komišuvnna barggu birra čielggadanguovllus.
Dieđut 8. čielggadanguovllu Guovdageainnu birra
Buot vuoigatvuođadieđáhusat mat leat boahtán 8. čielggadanguovllus Guovdageainnus.
Loga eambbo čielggadanguovllu proseassa ja stáhtusa birra.