8. čielggadanguovlu Guovdageaidnu – Rabas gulaskuddančoahkkin borgemánu 28. beaivve 2024 tii. 13–17
Čielggadanguovllu vuosttaš gulaskuddančoahkkin lágiduvvo birrabeavdeságastallamin gos komišuvdna, bovdejuvvon árbediehttit ja čielggadanguovllu beroštusovddasteaddjit oasálastet. Čoahkkin lea rabas guldaleddjiide/gehččiide.
Finnmárkokoimšuvdna lea plánen 8. čielggadanguovllu Guovdageainnu viidásat proseassa, ja álggaha vuosttaš álgogulaskuddančoahkkimiin borgemánu 28. beaivve 2024. Fáddán lea meahccegeavaheapmi – sihke dáluolbmuid ja badjeolbuid geavaheapmi.
Gulaskuddančoahkkima ulbmil lea ahte komišuvdna galgá oažžut ollislaš gova čielggadanguovllu/suohkana meahccegeavaheamis. Gulaskuddančoahkkin lea Thon Hoteallas Guovdageainnus. Čoahkkin lea rabas ja čoahkkingiella lea sámegiella. Čoahkkin dulkojuvvo dárogilli.
Viidásat proseassa lea nu ahte álggos gieđahallojit vuoigatvuođadieđáhusat main Finnmárkoopmodat (FeFo) lea oasálaš, ja dasto boazodoalu siskkáldas dieđáhusat, seammá láhkai go dahkkui 4. čielggadanguovllus Kárášjogas. Dán rádjai komišuvdnii leat boahtán 26 vuoigatvuođadieđáhusa mas FeFo lea oasálaš. Komišuvdna pláne čađahit dáid gulaskuddančoahkkimiid dán ja boahtte jagi – eambbo dieđut bohtet maŋŋelaš.
Loga eambbo gulaskuddančoahkkimiid birra ja mo komišuvdna bargá čielggadanaguovlluin.