Báikkálaš guolástanmáhttu Deanuvuonas ja Porsáŋgguvuonas
Dutki emeritus Jan H. Sundet lea Finnmárkokomišuvnna ovddas gárven guokte raportta báikkálaš guolástanmáhtu birra Finnmárkku vuonain.
Raporttaid vuođđun leat jearahallamat mat leat dahkkon 1990-logus Deanuvuonas ja Porsáŋggus. Raporttat leat oassin fáktavuođus komišuvnna konklušuvnnaide vuonaid/čielggadanguovlluid riektediliin.
Raporttat leat almmuhuvvon neahttasiidduineamet čuovvovaš liŋkka bokte: Čállosat - Áššedovdi čielggadeamit - Fáddásaš áššedovdi čielggadeamit.
- Báikkálaš guolástanmáhttu Deanuvuonas – Syntesa jearahallamiin mat dahkkojedje báikkálaš guolásteddjiiguin 1993:s.
- Báikkálaš guolástanmáhttu Porsáŋgguvuonas – Syntesa jearahallamiin mat dahkkojedje báikkálaš guolásteddjiiguin 1993–1994:s.
Sundet áigu maid gárvvistit jearahallančoahkkáigeasu Finnmárkku eará vuonain.