Juridihkalaš čielggadeaddji – bissovaš 100% virgi
Finnmárkokomišuvnna čállingoddi ohcá dál juridihkalaš čielggadeaddji. Čielggadeaddjibargu lea fágalaččat hástaleaddji bargu buori bargobirrasis. Čállingotti bargosadji lea diggevisttis Deanus.
Virggi dehálamos bargun lea juridihkalaš čielggadanbargu ja čálalaš ráhkkaneapmi komišuvdnii, ja maiddái vuođđodieđuid háhkan. Virgái sáhttet biddjot eará áššemeannudanbarggut.
Ohccis ferte leat juridihkalaš ámmáteksámen dahje láhkadieđa mastergráda. Virgi gáibida buori fágalaš gelbbolašvuođa ja buriid čálalaš ovdanbuktinnávccaid. Gáibiduvvo ahte dat guhte virgáduvvo, nákce bargat iešheanalaččat ja ulbmillaččat. Lea ovdamunni jus leat bargovásáhusat stuorát čielggadanbargguin. Lea maid ovdamunnin jus ohccis lea máhttu Finnmárkku historjjálaš diliin ja sámi gielas. Jus lea dárbu, de ferte dat guhte virgáduvvo, sáhttit searvat teamabargguide. Gáibiduvvo buorre ovttasbargo- ja gulahallandáidu.
Virgi bálkáduvvo Stáhta bálkáregulatiivva vuođul ráđđeaddin (virgekoda 1434) dahje seniorráđđeaddin (virgekoda 1364) gelbbolašvuođa ektui. Bálkkás gesso 2 % Stáhta penšunkássa penšunortnegii.
Eanet dieđuid virggi birra oaččut jus válddát oktavuođa komišuvnna hálddahuslaš jođiheddjiin Gro Dikkaneniin, tlf. 90639818.
Ohcamuš oktan CV:ain, duođaštusaiguin ja ateasttaiguin sáddejuvvo čujuhussii: Finnmarkskommisjonen, pb. 24, 9846 Tana ovdal guovvamánu 21. beaivi 2025.
Komišuvnna birra: Finnmárkokomišuvdna galgá kártet dálá geavahan- ja eaiggáduššanvuoigatvuođaid maid finnmárkulaččat leat háhkan guhkit áiggi geavaheami vuođul.