Komišuvnna čielggadanbarggu stáhtus cuoŋománu 2022 muttus

Invalid Date, Synnøve Solbakk

illustrasjonsbilde

Finnmárkokomišuvdna lea ain čohkkemin dieđuid ja čielggadeamen boazodoalu siskkáldas vuoigatvuođadieđáhusaid 4. čielggadanguovllus Kárášjogas.

4. Čielggadanguovllu Kárášjoga boazodoalu siskkáldas dilálašvuođaid čielggadeapmi lea eambbo gáibideaddji go álggos leimmet navdán. Jurdda lea almmuhit oasseraportta ovdal 2022 loahpa.

Eará čielggadanguovlluid stáhtus

7. Čielggadanguovllus Deanus/Deanuvuonas lea komišuvdna čađahan njeallje gulaskuddančoahkkima. Čielggadanbargu lea álggahuvvon, ja mii čohkket ain dieđuid guovllus. Áigemearri sáddet vuoigatvuođadieđáhusa dán guovllus almmuhuvvo 2022:s. Maŋŋá áigemeari čađahuvvo maŋimuš gulaskuddančoahkkin, dahje eará lágan duođaštussihkkarastinčoahkkin.

8. Čielggadanguovllus Guovdageainnus lea áššedovdiid čielggadeapmi mii gieđahallá guovllu geavaheami ja riekteipmárdusaid gárvvistuvvomin. Dát čielggadeapmi almmuhuvvo komišuvnna neahttasiidduin. Muđui komišuvdna ain čohkke dieđuid almmuhuvvon vihtaniin buot guovlluin mat leat almmuhuvvon čielggadanguovlun, maiddái 9. čielggadanguovllus Porsáŋggus.

Dasa lassin lea jođus prošeakta mas lea ulbmilin čohkket dieđuid daid guovlluin mat eai leat vel almmuhuvvon čielggadanguovlun. Almmolaš háhkanproseassa vuođul lea Sámi ealáhus- ja guorahallanguovddáš (SEG) Deanus guhte čađaha dákkár jearahallamiid komišuvnna ovddas.