Rabas gulaskuddančoahkkin 7. čielggadanguovllus Deanus/Deanuvuonas Njukčamánu 15.–16. beaivve 2023
Njukčamánu 15.–16. beaivve 2023 Finnmárkokomišuvdna lágida njealját rabas gulaskuddančoahkkima 7. čielggadanguovllus Deanus/Deanuvuonas vuoigatvuođadieđáhusaid birra. Čoahkkin lágiduvvo Deanu searvegoddevisttis, Deanušalddis.
Vuoigatvuođadieđáhusat mat gieđahallojit leat dieđáhusat mat leat maŋimuš boahtán komišuvdnii.
Gulaskuddančoahkkimat
Komišuvnna gulaskuddančoahkkimat leat birrabeavdeságastallamat gos komišuvdna, dieđáhusovddideaddji(t) ja čielggadanguovllu beroštusovddasteaddjit oasálastet ja ságastallet vuoigatvuođadieđáhusaid birra. Dat mearkkaša ahte dieđáhusovddideaddjit váldet saji birra beavddi vuoruid mielde prográmma vuođul.
Dás beassá dieđáhusovddideaddji ovdanbuktit áššistis njálmmálaččat, ja komišuvdna ja beroštusovddasteaddjit sáhttet gažadit.
Dieđáhusovddideaddjit sáhttet searvat máŋggain ovddasteddjiiguin ja informánttaiguin, ja mii ávžžuhat sihke nissonolbmuid ja almmáiolbmuid searvat.
Gulaskuddančoahkkin lágiduvvo sámegillii ja dárogillii, ja dulkojuvvo simultánalaččat.
Eambbo dieđut komišuvnna barggu birra čielggadanguovllus
Dieđut 7. čielggadanguovllu Deanu/Deanuvuona birra
Buot vuoigatvuođadieđáhusat mat leat boahtán 7. čielggadanguovllus Deanus/Deanuvuonas
Áigemearri lei juovlamánu 1.b. 2022 ovddidit vuoigatvuođadieđáhusa dán guovllus.