Komišuvnna čielggadanbarggu stáhtus

Invalid Date, Vigdis Beate Johansen

ill.

Finnmárkokomišuvdna pláne gárvvistit 7. čielggadanguovllu Deanu/Deanuvuona vuoigatvuođadiliid raportta jagi 2026 vuosttaš jahkebealis. Komišuvdna lea maiddái boahtán bures johtui proseassain 8. čielggadanguovllus Guovdageainnus.

Finnmárkokomišuvdna lea dál loahpahišgoahtán čielggadeames dan 55 vuoigatvuođadieđáhusa mat leat boahtán 7. čielggadanguovllus Deanus/Deanuvuonas. Jurdda lea almmuhit 7. čielggadanguovllu raportta 2026 vuosttaš jahkebealis.

8. čielggadanguovllus Guovdageainnus leat dán rádjái boahtán 54 vuoigatvuođadieđáhusa. Dain leat 27 dieđáhusa boazodoalu siskkáldas dilálašvuođaid birra. Komišuvdna lea čađahan álgogulaskuddančoahkkima čielggadanguovllu geavaheami ja riekteipmárdusaid birra, ja guokte gulaskuddančoahkkima vuostáiváldon vuoigatvuođadieđáhusaid birra gos FeFo lea oasehas. Jurdda lea lágidit gulaskuddančoahkkima/čoahkkimiid maiddái 2026:s. Ii leat vuos biddjon áigemearri ovddidit vuoigatvuođadieđáhusa čielggadanguovllus.

9. čielggadanguovllus Porsáŋggus lea Norsk institutt for kulturminneforskning (NIKU) gárven čielggadanguovllu áššedovdičielggadeami geavaheami ja riekteoainnuid birra. Áššedovdičielggadeapmi lea komišuvdnii oassin fáktádiehtovuođus čielggadanguovllus.

10. čielggadanguovllus Čorgašis/Spierttanjárggas leat áššedovdit (NIKU) álggahan čielggadanbarggu. Plána mielde sii gárvejit sin čielggadeami jagi 2026 loahpas.