Vuosttas oasseraportta - 4. guovlu Kárášjohka
Finnmárkokomišuvdna almmuhii Kárášjoga 4. čielggadanguovlun ođđajagimánu 25. b. 2011. Komišuvdna almmuhan vuosttas oasseraportta dán guovllu geavahan- ja eaiggáduššanvuoigatvuođaid birra 11.12.2019.
Oasseraporttas gieđahallojit 43 vuoigatvuođadieđáhusa vejolaš eaiggáduššan- ja/dahje geavahanvuoigatvuođaid birra:
Raporta - 1. gihppa (dárogillii), kapihtal 1-7 duogáža ja oktasaš vuoigatvuođaid birra olles dahje stuorra oasi guovllus - 6 vuoigatvuođadieđáhusa. Kapihtal 7 sámegillii.
Raporta - 2. gihppa (dárogillii) kapihtal 8-13 eaiggáduššan- ja geavahanvuoigatvuođaid birra dihto osiide (johkalegiide) Kárášjogas - 37 dieđáhusa.
Kapihtal 13 lea čoahkkáigeassu dárogillii ja sámegillii (s. 442-449, 2. gihppagis).
Sáhttá beassat njuolgga dihto kahpitalii ja čuoggái raporttas go deaddila sisdoalu bajilčállagiidda, maiddái kap. 7 gihppagis sámegillii.
Raporta oanehis hámis ja dieđut ášši viidásabbo gieđahallama birra.
Raportta sáhttá tiŋgot Finnmárkokomišuvnna čállingottis. Raporta lea maid fidnemis Kárášjoga gieldda bálvaluskantuvrras ráđđevisttis.
Oasseraportta konklušuvnnaid sáhttá ovddidit Finnmárkku meahcceduopmostullui ovdal geassemánu 11. b. 2021.
Eanet dieđut: 4. čielggadanguovlu Kárášjohka ja 4. čielggadanguovlu Kárášjohka – Boazodoalloraporta.