Duogáš

Máttá Norggas  meahcce- ja várreguovlluid  vuoigatvuođadilit leat 1900-logu áiggi  čielggaduvvon viiddis riekte- ja kárten-proseassaiguin. Muhto Finnmárkku vuoigatvuođadilit eai leat  čilgejuvvon vástideaddji čielggademiiguin,  gos siskkit guovllut šadde norgalaš jurisdikšuvnna vuollásažžan jagi 1751, ja nuortaguovllut easka 1826:s.

Geassemánu 17. b. 2005 – Finnmárkkuláhka mearriduvvui. Láhka ásaha ođđa hálddašanortnega Finnmárkku eatnamiidda, ja lea lávkin proseassas mii galgá  loahpalaččat čielggadit fylkka vuoigatvuođadiliid. 

Suoidnemánu 1.b.  2006 - Finnmárkkulága 2 kapihtal bođii fápmui, mii mearkkaša ahte eanaš oassi Finnmárkku eatnamiin sirdojuvvui Statskog SF:s hálddus ođđa oamastanorgátnii, namalassii Finnmárkkuopmodahkii.

Njukčamánu 14. b. 2008 – Finnmárkokomišuvdna nammaduvvui kárten dihtii finnmárkolaččaid dálá vuoigatvuođaid maid sii leat guhkesáiggi geavaheami bokte olahan  daid eatnamiin maid Finnmárkkuopmodat válddii háldosis suoidnemánu 1.b. 2006.

Ođđajagimánu 1. b. 2013 - Finnmárkokomšuvdna mandáhta rievdaduvvui nu ahte komišuvdna galgá maiddái čielggadit gáibádusaid oktasaš dahje oktagaslaš vuoigatvuođaide guolástansajiide mearra- ja vuotnaguovlluin Finnmárkkus, jus rievttálaš beroštusa vuođul oktage gáibida dákkár čielggadeami.