Hålogalándda lágamánnerievtti birra

Lágamánnerievttis leat 17 duopmára – vuostalágamánne, 2 lágamánne, 13 lágaduopmára, okta eanajuohkinlágaduopmár ja 9 hálddahus bargi – hálddahushoavda, čielggadeaddji, IKT-ráđđeaddi ja 6 áššemeannudeaddji. Buohkain lea kánturbáiki Diggevisttis Tromssas.

Diggevisttis lea oktanuppelohkái riektesála. Lágamánneriekti geavaha golbma dáin lanjain. Dasa lassin lea lágamánnerievttis riektelanjat Musserin ja Budejjus.

Lágamánneriekti lea guoddalanduopmostuollu sihke siviila áššiin ja ráŋggáštusáššiin ja lea vuosttaš instánsa dárkkistit áššiid mat leat meannuduvvon oadjorievttis. Lágamánneriekti meannuda maid bajiidárvvoštemiid ja guoddalemiid mearrádusain dahkkon eanajuohkinrievttis.