Duođaštit jápmima
Jus leat árbbolaš ja dárbbašat jápmin duođaštusa, sádde e-poastta midjiide masa čálát oamehasa nama, riegádandáhtona ja dáhtona go jámii.
Mii dárbbašat mai du nama, riegádandáhtona ja čujuhusa gosa mii sáddet duođaštusa.
Jus áiggut geavahit jápmin duođaštusa eará rikkas, de sáhtát dáhtut dan eŋgelasgillii. Muitte dáhtut notariáladuođaštusa.
Opmodatfápmudus
Opmodatfápmudusain beasat háhkat oppalašgova oamehasa ekonomiijas. Fápmudusain oaččot dieđuid báŋkkuin ja vearroetáhtas.
Jus dárbbašat opmodatfápmudusa, sáddes midjiide e-poastta masa čálát nama, riegádandáhtona ja dáhtona goas jámii.
Mii dárbbašat mai du nama ja čujuhusa gosa sáddet duođaštusa.
Kopiija juohkoduođaštusas
Jus leat árbbolaš ja dárbbašat kopiija juohkoduođaštusas, sáddes e-poastta gosa čálát oamehasa nama, riegádandáhtona ja goas jámii.
Mii dárbbašat mai du nama ja čujuhusa gosa sáddet duođaštusa.
Jus áiggut geavahit juohkoduođaštusa eará riikkas, de sáhttit mii notariálduođaštit kopiija.
Juohkoduođaštus lea sámegillii dahje dárogillii. Jus juohkoduođaštus ferte jorgaluvvot, fertet ieš váldit oktavuođa jorgaleaddjin ja máksit ieš dan ovddas. Muhtin riikkat dáhttot ahte jorgaluvvon duođaštus mai ferte notariálduođaštuvvot.
Mii duođaštat dušše nammačállosa jus geavahat jorgaleaddji mii ii leat stáhtafápmuduvvon, nammačálus ferte leat vurkejuvvon diggegottis.
Notariálduođaštus
Notariálduođaštus lea almmolaš duođaštus ovtta dokumeanttas mii galgá gustot olgoriikkas.
Jus dárbbašat notariálduođaštusa, de sáhtát fitnat duopmostuolus oažžumin dan.
Dus ferte leat mielde dohkálaš legitimašuvdna.
Notariálduođaštus máksá 305 kr.
Sáddes midjiide e-poastta jus dus leat gažaldagat.
Testameanta
Oarje-Finnmárkku diggegottis sáhtát vurket iežat testameantta. Sáhtát mai vieččat ruovttoluotta iežat testameantta mai leat vurken min luhtte. Jus háliidat vurket testameantta dahje vieččat vurkejuvvon testameantta, de váldde oktavuođa Álttá dahje Hámmerfeastta riektebákki ekspedišuvdnan.
Testameanta ferte leat originála. Muitte váldit mielde dárbbašlaš duođaštusaid numo (kopiija) pássa, vuodjenkoarta dahje ID koarta.
Sáddet stevnnega advokáhta haga
Mii veahkehat du čállit stevnnega. Váldde oktavuođa minguin šiehtadit áiggi dasa. Sáhtát šiehtadit áiggi Álttá riektebáikkis dahje Hámmerfeasta riektebáikkis.
Geavat áinnas skovi “forenklet stevning”. Dán gávdnat vuolábealde Stevning min neahtta siiddus domstolen.