Diggegoddi ásahuvvui 26.04.2021 ja lea boađus ovttastahttimis ovddeš Nuora- Finnmárkku diggegottiin ja Sis-Finnmárkku diggegottiin. Diggegottis lea erenoamáš ovddasvástádus áimmahuššat sámi dimenšuvnna riektevuogádagas.
Diggegoddi lea vuosttaš instánsa duopmostuollu gielddaide, Bearalváhki, Báhcavuotna, Gáŋgaviika, Kárášjohka, Guovdageaidnu, Davvesiida, Unjárga, Mátta-Várjjat, Deatnu, Čáhcesuolu ja Várggát
Duopmostuolus lea fásta riektebáikkit Čáhcesullos ja Deanus. Eanáš diggeáššit dollojit doppe, muhto bidjat maid rievtti dávjá eará sajiin riektebires. Áššit galget dábálaččat meannuduvvot dan riektebáikkis gosa geográfalaččat gullet.
Sis- ja Nuorta-Finnmárkku diggegoddi lea duopmostuollu olles fágabirrasiin. Dat mearkkaša ahte lassin dubmejeaddji doibmii lea mis soames hálddahuslaš- ja registreren barggut.
Diggegottis lea otne bargoveahka 16,6 jahkebarggu mat leat duopmostuollojođiheaddji, duopmárat, hálddahushoavda ja áššemeannudeaddjit.
Diggegotto organisašuvdnanummir lea 926 722 840.