Eanajuohkinášši álggahuvvo go muhtun oasehas sádde skovi mas gáibida ášši eanajuohkinriektái. Jus dárbbašat bagadusa gáibádusa ovddidit, de váldde oktavuođa báikkálaš eananjuohkinrivttiin.
Skovit mainna gáibidit eanajuohkinášši
Fullmaktskjema (PDF)
Krav om sak for jordskifteretten (Word, samisk)
Veiledning til skjema (word, samisk)
Go eananjuohkinriekti lea ožžon gáibádusa, de sádde dan buot namuhuvvon oasehasaide. Dan gohčodat gulahit gáibádusa. Lea dehálaš ahte buot oasehasat duođaštit ahte sii leat ožžon gulahallama.
Advokáhtat gáibidit ášši aktevraportálii.
Háhkat duođaštusaid gáibádussii
Gulahallan reivves lea áigemearri sáddet guoskevaš dieđuid, mearkkašumiid ja vejolaš duođaštusaid.
Lea dehálaš fuomášit ahte eanajuohkinriekti ii viečča áššái guoskevaš dokumeanttaid. Dat lea oasehasaid ovddasvástádus háhkat áššebáhpiriid dahje eará duođaštusaid main lea mearkkašupmi áššái. Duođaštussan sáhttet maid leat vihtanat geain lea mearkkašumit. Dalle fertet muitalit eananjuohkinriektái sin namaid ja maid vihtat galget muitalit. Vihtanat geat leat gohččon, leat geatnegahtton boahtit. Jus vihtan ii sáhte boahtit ieš diggečoahkkimii, de sáhttá searvat telefovnna dahje videokonferánssa bokte.
Dan maid don sáddet eananjuohkinriektái, gaskkusta duopmostuollu eará oasehasaide.
Eksempler på bevis som kan sendes inn
Bagadus
Eananjuohkinriekti lea geatnegahtton addit oppalaš bagadusa das mo don sáhtát gáibidit ášši. Jus juoga lea eahpečielggas dahje váttis, de lea dehálaš ahte ovddidat dan. Eananjuohkinriekti lea bealátkeahtes ja danne ii sáhte rávvet áššis. Loga eambbo bagadangeatnegasvuođa birra eanajuohkinlágas.
Áššegolut
Áššegolut rehkenastojit riektedivvagiid vuođul. Riektedivva (R) lea 01.01.2025 rájes 1 314 ruvnno. Loga eanet riektedivada birra dás lovdata.no.
Son gii gáibida ášši, ferte ovdagihtii máksit álggahandivada mii lea 5 geardde riektedivada (5 R). Álggahanmávssu máksingáibádus sáddet dutnje go eananjuohkinriekti lea ožžon gáibádusa. Álgodivat ferte leat mákson ovdal go eananjuohkinriekti sáhttá joatkit áššiin.
Jus váillahat rehkega, de váldde oktavuođa guoskevaš duopmostuoluin.
Go máksá olgoriikkas:
DNB Bank ASA, Poastaboksa 1600 Sentrum, 0021 Oslo, Norway
International Bank Account Number/IBAN: NO2976940519701
Bank Iden Code/SWIFT: DNBANOKKXXX
Máksinčuoggát: Kid-nummir ja/dahje áššenummir
Eanet goluid birra
Lassin áššegoluide, mákset oasehasat oasehasdivvaga, ja vejolaččat rádjegeaidnodivvagiid ja rádjebolstariid.
Dábálaš meannudeami oktavuođas leat divvagat ná:
• Sisabeassandivat: 5 R
• Juohke oasehassi divat: 2 R.
• Rádjeguhkodat: 2 R. Guoská 0,5 kilomehtera rádjái mii lea merkejuvvon.
Árvvoštusa gáibádusas lea divat eará láhkai. Árvvoštus máksu lea 5 R riektečoahkkinbeaivvi ovddas.
Jus oasehasat soabadit rievttálaččat, de sáhttá álggahandivat ja oasehas divat vuoliduvvot. Rádjaguhkodat divat ja golut main leat rádjemearkkat bohtet lassin.
Gii galgá máksit?
Go ášši loahpahuvvo, de mearrida eananjuohkinriekti gii galgá máksit áššegoluid. Áššegoluin oaivvilduvvo vuosttažettiin divvagiid ja mielduopmáriid golut.
Riidduin main duopmu celko, ferte vuoittáhallan oasehas dábálaččat máksit álggahandivvaga ja oasehas divvaga. Seamma guoská maiddái vejolaš goluide mielduopmáriidda.
Dain áššiin main dahkko nuppástus, nu gohčoduvvon riektenuppástuhtti áššiin (earret eará areálamolsun, geavahanortnet, oktasaš doaimmat) juogaduvvojit áššegolut dan vuođul makkár ávki oasehasain lea áššis. Dákkár áššiin fertejit oasehasat ieža máksit proseassafámohasaid/advokáhta goluid.
Árvvoštus áššiin juhkkojit golut sierra njuolggadusaid vuođul.
Divada rievdadeapmi
Eananjuohkinriekti sáhttá rievdadit divatgoluid jus ášši bargoáigi spiehkasta sakka dábálaš bargoáiggis. Prinsihpas sáhttet golut sihke lassánit ja unnot. Ovdamearkka dihte sáhttá divat vuoliduvvot áššiin main leat máŋga oasehasa ja main oasehasat váikkuhit ahte ášši meannuduvvo álkit.
Gii galgá máksit advokáhttagoluid?
Oasehasat fertejit ieža máksit advokáhta goluid riektenuppástuhtti áššiin (earret eará areálamolsun, geavahanortnet, oktasaš doaimmat). Go eananjuohkinriekti meannuda rievttálaš riidduid ja ferte cealkit duomu, de lea váldonjuolggadussan ahte vuoiti bealli sáhttá gáibidit ollislaš buhtadusa advokáhttagoluid ovddas, geahča eananjuohkolága § 7-9 dás lovdata.no.
Dát mielddisbuktá ahte son gii vuoittáhallá ferte váldonjuolggadussan máksit iežas ja vuostebeali advokáhttagoluid. Lea eanajuohkinriekti mii mearrida duomus mat dat dárbbašlaš advokáhtagolut leat.
Guoddalandivat lágamánneriektái
Guoddalit duomu ja eanajuohkinrievtti mearrádusa lea divat 24 R. Guoddalit diggemearrádusa ja mearrádusaid lea divat 6 R.