Fágaduopmár dábálaš duopmostuoluin (diggegoddi, lágamánneriekti ja Alimusriekti) lea álo jurista. Dábálaččat lea stáhtaráđđi nammadan fágaduopmára ámmátduopmáriin.
Soames áššešlájain sáhttá duopmár gaskaboddosaččat biddjot virgái duopmárfámohassan. Duopmárfámohasas lea juridihkalaš ámmáteksámen ja lea dihto áigái virgáiduvvon diggegoddái. Duopmárfámohas sáhttá dihto gáržžidemiin dubmet buotlágan áššiin seamma dásis go ámmátduopmárat.
Loga mo šaddat duopmárfámohassan.
Ráŋggáštusáššiin leat maiddái mielduopmárat mielde. Dábálaš ássit dat dubmejit seamma dásis go fágaduopmárat.
Ráŋggáštusáššiin leat maiddái mielduopmárat mielde. Dat lea dábálaš olbmot geat leat mielde dupmemin seamma láhkái go fágaduopmárat.
Loga eambbo mielduopmáriid birra.
Gáibádusat ámmátduopmáriidda
Duopmostuolloláhka bidjá muhtun gáibádusaid maid duopmáriidda:
• Duopmár galgá leat norgga stáhtaboargár
• Duopmár ii galgga leat massán jienastanvuoigatvuođa
• Duopmáriidda lea maid biddjon vuolimus ahki:
- 30 jagi alimusrievtti duopmáriidda, vuosttašlágamánni ja lágamánni
- 25 jagi lágaduopmárin ja diggeriekteduopmáriidda
- 21 jagi duopmárfámohasaide
Duopmostuollolága mielde ii sáhte duopmár oktanaga leat soabadanráđđelahttu dahje doaibmat advokáhtan.
Ámmátduopmáriid nammada Gonagas stáhtaráđis. Sis lea stáhtus ámmátolmmožin, ja leat Vuođđolága bokte suodjaluvvon lihccuma dahje sirdimiid ektui. Ámmátduopmára sáhttá dušše lihccut diggeášši ja duomu bokte. Dát vuoigatvuođat galget suodjalit duopmáriid sorjjasmeahttunvuođa. Virgeduopmára penšuvdnaahki lea 70 jagi.
Eará duopmárat
Duopmár muhtton diggeáššis sáhttá leat
- Konstituerejuvvon duopmár.
Son lea maid jurista, geas lea seammá suodjalus go ámmátolbmuin dan áigodagas go konstitušuvdna bistá. Konstituerejuvvon duopmárat doibmet gaskaboddosaččat.
- Liige ja gohččojuvvon duopmárat
Sii nammaduvvojit ovttaskas áššái.
Dát duopmárat leat dábálaččat duopmárat geat leat ealáhagas, ja geat nammadeami maŋŋá besset bargat rievttis ovttaskasáššiin dassážii go devdet 73 jagi.
Duopmárat mat leat gohččon duopmárin oanehis áigái, barget dábálaččat eará duopmostuoluin go dan duopmostuolus mii lea nammadan sin.
Duopmáriid ehtalaš prinsihpat
Dábálaš áddejupmi lea ahte duopmára láhtten sihke rievttis ja olggobealde rievtti, galgá leat nu ahte olbmuid luohttámuš duopmárii ja duopmostuoluide ii geanehuvva.
Duopmára lihccun eavttuid mearrida virgeolbmoláhka. Duopmáriin lea garra eretcealkinsuodjalus, ja sin sáhttet dušše lihccot virggis maŋŋá diggeášši ja duomu. Dat čájehuvvo ahte duopmárat hárve ráŋggáštuvvojit, lihccojit virggis dahje gaskaboddosaččat lohccojit.
Liŋka disiplinæranortnegii Duopmáriid bearráigeahččanlávdegoddi
Loga eanet duopmáriid láhttema etihkalaš prinsihpaid birra