Bealušteaddji válljen ja máksin
Son guhte lea áššáiduhtton dahje áššáskuhtton vállje gii galgá leat su bealušteaddji diggeáššis. Jus sus ii leat dihto sávaldat, de nammada duopmostuollu bealušteaddji.
Dábálaččat lea bealušteaddji advokáhtta, muhto áššáskuhtton sáhttá maid válljet soapmása gii ii leat advokáhta. Dákkár oktavuođain galgá duopmostuollu dohkkehit dan. Eanaš áššiin mákset eiseválddit bealušteaddji goluid. Dat guoská maiddái áššáiduhttomiidda geat leat háldogiddagasas. Jus áššáiduhtton dáhttu bealušteaddji mii orro olggobealde riekteguovllu, de ferte áššáiduhtton dábálaččat ieš máksit bealušteaddji áššeolbmo mátkegoluid.
Jus áššáiduhtton lea vuollel 18 jagi, de lea fuolaheaddji guhte vállje bealušteaddji. Riekti sáhttá dikti áššáiduhttoma beassá iežas bealuštit máŋgga bealušteaddjis.
Fásta bealušteaddji
Buot duopmostuoluin leat fásta bealušteaddjit. Sii nammaduvvojit ráŋggáštusáššiide, mas áššáskuhttomis ii leat advokáhtta.
Listu duopmostuoluid fásta bealušteaddjiin (PDF)
Klieantta riektesihkarvuođa áimmahuššan
Bealušteaddji galgá klieanta beroštumiid áimmahuššat áššis. Son galgá rávvet klieantta, ja sus lea jávohisvuođageatnegasvuohta buot áššiin maid oažžu klieanttas diehtit. Jus klieanta dovddasta bealušteaddjái, muhto earáid dadjá ahte sivaheapmin, de sáhttá leat váttis bealušteaddjái áimmahuššat klieanta beroštumiid. Bealušteaddji sáhttá dalle ávžžuhit klieantta dovddastit, dahje lonuhit bealušteaddji.
Dat lea vejolaš molsut bealušteaddji maŋŋá go ášši lea álgán, muhto riekti sáhttá dan biehttalit jus dat lea menddo lahka diggeášši.