Skovit árbe- ja juohkoáššiin

Go mii leat ožžon skovi dan juohkovuogis maid leat válljen, de sáddet dutnje juohkoduođaštusa 1. -2. váhku siste. Duođaštusain beasat háldet oamehas báŋkokonto ja eará opmodagaid. Dainna beasat maid máksit velggiid ja eará goluid, vuolláičállit dokumeanttaid ja háldet eará áššiid árbeoamis.

Priváhta juohku

Dábálaččat válljejit árbbolaččat priváhta juogu. Go áigu čađahit priváhta juogu de lea váldonjuolggadus ahte unnimus okta ollesagi árbbolaš (sohkaárbbolaš ja/ dahje testameantaárbbolaš gii lea badjel 18 jagi) váldá badjelassii oamehasa velggiid. Go leat vuolláičállán priváhta juogu skovi, de válddát badjelassii oamehas vealgegeatnegasvuođa. Don it leat geatnegahtton dan dahkat. Testameantaárbbolaš gii árbe dihto sumi dahje dávvira mas lea unnán árvu ( unnit go vuođđosupmi álbmotregistaris), ii sáhte váldit badjelassii vealgegeatnegasvuođa.

Náittosguoibmi dahje elošteaddji gii árbe okto

Náittosguoibmi:

Elošteaddji:

Árbbolaččat geat leat vuolleahkásaččat dahje ii leat rievttálaš nákca  

Árbeoapmi mas lea unnán árvu

Bagadus mo deavdit skovi priváhat juohku árbeoamis mas lea innán árvu (PDF, girjedárogiella)

Juohkofápmudus

Jus leat váldán árbeoami badjelassii priváhta juhkui, de sáhtát addit fápmudusa muhtton earái čađahit juogu. Dat olmmoš ferte leat unnimus 18 jagi.

Fápmudusa ii galgga sáddet diggegoddái, muhto geavahuvvo ovdamearkka dihti go válddát oktavuođa oamehas báŋkkuin.

Juogatkeahttá

Jus báhccan náittosguoibmi dahje elošteaddji ollašuhttet eavttuid de lea vejolaš maŋidit juogu ja čielggadit árbeoami. Dát gohčoduvvo juogatkeahttá juohku. Go náittosguoibmi váldá árbeoami badjelassii juogatkeahttá de lea sus rievtti mielde friddja hálderiekti sihke iežas ja oamehas opmodagain. Elošteddjiin lea dušše vuoigatvuohta váldit oami badjelassii juogatkeahttá, jus sus lea, lea leamašan dahje vuordá oktasaš máná oamehasain. Go leat vuolláičállán juogatkeahttá skovi, de válddát maid badjelassii oamehasa vealgegeatnegasvuođa. Don it leat geatnegahtton dan dahkat. 

Náittosguoibmi:

Elošteaddji:

Bagadus náittosguobmái mo deavdit juogatkeahttá dieđáhusa (PDF, girjegiella)

Almmolaš juohku

Almmolaš juohku mearkkaš ahte diggegoddi čađaha juogu. Mii nammadat juohkohálddašeaddji gii oaččo fápmudusa háldet oapmemeannudeami ja oapmečielggadeami. Jus árbbolaččat dáhtot almmolaš juogu de galgá leat sihkarvuohta oapmegoluide. Dieđit diggegoddái jus dáhtot almmolaš juogu. Dat ii leat sierra skovvi gáibidit almmolaš juogu.

Prokláma

Jus eahpidat ahte lei og oamehasas eanet vealgi og árvvut, de sáhtát dáhttut diggegotti álmmuhit prokláma. Prokláma lea almmuhus mii almmuhuvvo Norsk lysningsbláđđái ja báikkálaš dahje regionála aviissaide. Go prokláma almmuhuvvo de fertejit buot velggoheaddjit dieđihit gáibádusa guhtta váhku siste. Jus gáibádus ii dieđihuvvo áigemearrái, de dat hilgojuvvo. Fuomáš ahte prokláma ii gusto olgoriikka velggoheddjiide, pántagáibádussii  dahje vearru- ja divatgáibádussii.

Prokláma gáibádus (PDF, girjegiella)

Digitála vuolláičála ja sisasáddet skovi

Árbbolaččat sáhttet vuolláičállit skovi giehtačállosiin dahje digitálalaččat. Jus leat eambbosat geat áigut vuolláičállit, de sáhttet muhttomat čállit vuollái giehtačállosiin ja earát fas digitálalaččat.

Ná vuolláičálát digitálalaččat:

  • Deavdde skovi.
  • Sádde skovi poasttas dahje e-poasttas dan diggegoddái gos jápminášši meannuduvvo ja dieđit seammás guđe árbbolaččat dáhttot vuolláičállit digitálalaččat. Árbbolaččat geat dáhttot vuolláičállit digitálalaččat, ožžot e-poasta/SMS Norgga Duopmostuoluin.
  • Vuolláičále digitálalaččat go čuovut leaŋka mii lea boahtán e-poasttas/SMS:s.
  • Muitte vuolláičállit golmma beaivve siste. Diggegoddi oažžu dieđu go skovvi lea vuolláičállon.

Vejolaš ovdánanvuohki

Don sáhttát ieš čađahit elektrovnnalaš vuolláičállima ovdal go sáddet skovi diggegoddái. Geavat ovdamearkka dihti Postens signeringstjeneste. Bálvalus gáibida BáŋkuID sisabeassama ja ii leat nuvttá.