Sáhtán go oažžut duomu dahje diggemearrádusa ráŋggáštusáššis
Vuoigatvuohta oaččut čálihuvvot duomu
Dus lea vuoigatvuohta oažžut čálihuvvot duomu ráŋggáštusáššis go dát golbma gáibádusa leat devdon:
1. Sáhtát čujuhit konkrehta áššái
2. Duopmu ii leat boarráset go vihtta jagi
3. Duomus eai leat makkárge almmolaš ráddjejumit.
Ii leat doarvái čujuhit dušše ovtta nammii (geahča ráŋggáštuproseassalága § 28). Jus dus ii leat áššenummir, de galggat diehtit ahte lea leamaš ášši, veaháš dan birra mas lei sáhka dahje sullii goas dat ášši lei. Jus duopmu lea beaggán medias, de sáhttá dat leat doarvái čujuhit dasai. Dat galgá leat álki duopmostullui gávdnat duomu.
Ráŋggáštusášši mas leat almmolašvuođaráddjejumit
Muhtin duomuin lea almmolaš ráddjemat (duopmostuolloláhka § 130). Dát guokte ráddjema leat dábáleamos:
1. Sáhttá dušše almmolaččat almmuhuvvot anonymiserejuvvon hámis
2. Almmolašvuođa gielddus
Čuoggá 1 vuođul lea dus vuoigatvuohta oažžut anonymiserejuvvon duomu. 2. čuoggá vuođul lea dus dušše vuoigatvuohta oažžut duomu loahppacealkámuša.
Sáhttán og oaččut diggemearrádusa ovtta ráŋggáštusáššis?
Dus lea vuoigatvuohta oažžut čálihuvvot duomu ráŋggáštusáššis go dát golbma gáibádusa leat devdon:
1. Sáhtát čujuhit dihto áššái
2. Duopmu ii leat boarráset go vihtta jagi
3. Duomus eai leat makkárge almmolašvuođa ráddjemat.
Ii leat doarvái čujuhit dušše ovtta nammii (ráŋggáštusriektedoaibma § 28). Jus dus ii leat áššenummir, de galggat diehtit ahte lea leamaš ášši, veaháš dan birra mas lei sáhka dahje sullii goas dat ášši lei. Jus duopmu lea beaggán medias, de sáhttá dat leat doarvái čujuhit dasai. Dat galgá leat álki duopmostullui gávdnat duomu.
Sáhttán go geahččat duomu dahje dokumeanttaid siviila ášši?
Vuoigatvuohta oaččut čálihit duomu
Dus lea dábálaččat vuoigatvuohta oaččut čálihuvvot duomu, diggemearrádusa dahje mearrádusa siviila áššis go dát guokte eavttu lea devdon:
1. Don sáhtát čujuhit konkrehta áššái
2. Mearrádusas eai leat almmolašvuođa ráddjemat.
Geahčadeami sáhttá gáržžidit eará sivaid geažil, eret eará jus dokumeanttas lea persovnnalaš dieđut. Geahča dan ja eará gáržžidemiid birra riidolága 14-3.
Siviila áššiin lea njuolggadusat dat seamma sihke duomuin, diggemearrádusain ja mearrádusain.
Dat ii leat doarvái čujuhit dušše ovtta nammii. Jus dus ii leat áššenummir, de galggat diehtit ahte lea leamaš ášši, veaháš dan birra mas lei sáhka dahje sullii goas dat ášši lei. Jus duopmu lea beaggán medias, de sáhttá dat leat doarvái čujuhit dasai.
Mearrádusat main leat almmolašvuođaráddjemat
Muhtin áššin čállo duomus jus lea ráddjemat geahččat duomu ja almmolašvuođa ráddjema ektui. Dát guokte ráddjemat leat dat dábáleamos:
1. Sáhttá dušše almmolaččat almmuhuvvot anonymiserejuvvon hámis
2. Almmolašvuođa gielddus
1.čuoggá vuođul lea dus vuoigatvuohta oažžut anonymiserejuvvon mearrádusa. 2. Čuoggá ektui lea dus dušše vuoigatvuohta oažžut duomu loahppacealkámuša.
Leago mearrádusas almmolašvuođa ráddjen ja mearrádus lea boarrásat go 5 jagi?
Dalle ii leat dus vuoigatvuohta oaččut mearrádusa dahje loahppacealkámuša
Mo oaččun duomu?
Don sáhtát oaččut duomu e-poasttas dahje oaččun dan og ieš finat duopmostuolus (geahča riektedoaimma láhkaásahusa § 9).
Geahčat dokumeanttaid siviila áššin
Dus lea vuoigatvuohta lohkat riektegirjjiid, loahppacealkámušaid, riektesoabadan -protokollaid ja áššegollodieđáhusa eanáš siviila áššiin.
Dat lea muhtton spiehkastagat váldonjuolggadusas:
• Geahččanvuoigatvuohta beassat geahččat riektegirjji ii gusto go riektečoahkkin lea leamaš gitta uvssaid duohken
• Geahččanvuoigatvuohta loahppacealkámušas, riektesoabadan-protokolla ja áššegollodieđáhusa eai gusto dáid áššešlájaide: Áššit náittoslága ja mánáidlága vuođul, áššit náittosguoimmiid/guoimmiid opmodaga juogadeamis ja áššit bággomearrádusaid dárkkisteamis (tvl. kap. 36).
• Geahččama sáhttá maiddái ráddjet eará sivaid geažil, earret eará jus dokumeanttas leat dieđut persovnnalaš diliid birra. Geahča dán ja eará gáržžidemiid birra riidolága 14-3.
Stevnnet, vástta ja eará proseassačállosat
Dus ii leat vuoigatvuohta beassat geahččat stevnnegiid, vástagiid ja eará proseassačállosiid. Oasehasat sáhttet ieža addit lobi geahččat dáid dokumeanttaid.
Mo oaččun duomu dahje dokumeantta?
Don sáhtát oaččut duomu e-poasttas dahje finat ieš duopmostuolus (almmolašvuohta riektedoaimma láhkaásahusa § 9). Válddá oktavuođa duopmostuoluin gos diggeášši dollui, geahča oppalašgova duopmostuoluin.