Man guhká bargi lea eret barggus rievddada áššis áššái. Muhtun áššit bistet dušše ovtta beaivvi, eará áššit sáhttet bistit máŋgga vahku. Mielduopmár oažžu dieđu man guhká ášši bistá, muhto áššit sáhttet bistit sihke oanehit ja guhkit áiggi go lea jurddašuvvon. Dasa lassin dárbbaša mielduopmár áiggi searvat duopmokonferánsii maŋŋel diggečoahkkima. Dat sáhttá dáhpáhuvvat seamma beaivvi go diggečoahkkin loahpahuvvo, muhto sáhttá maid dáhpáhuvvat eará áiggis.
Mii sávvat ahte don bargoaddin áddet man dehálaš barggu du bargi galgá dahkat.
Maid dát mearkkaša dutnje bargoaddin?
Bargis lea vuoigatvuohta oažžut friija bargoaddis. Bargoaddi ii sáhte geatnegahttit bargi geavahit badjeláigge meari dahje luopmobeaivvi bargat mielduopmárin.
Man dávjá ferte mielduopmár boahtit diggái?
Njealji jagi áigodagas gohčoduvvo dábálaččat mielduopmárin gaskal ovtta ja golmma háve jahkái. Danin go mielduopmárat gessojit soaittáhagas, de ii leat diehtu man guhkes áigi manná ovdalgo fas gesso mielduopmárin.
Goas oažžu mielduopmár dieđu?
Mielduopmár oažžu dieđu dalán go lea mearriduvvon goas ášši meannuduvvo. Dábálaččat meannuduvvo ášši diggegottiin 4-6 vahku siste. Lágamánnerievttis ges sullii 8 vahku siste. Dat sáhttá dáhpáhuvvat ahte gohččot várre mielduopmárin boahtit oanehis áiggis jus son gii lei álggos gohččon lea dieđihan viibama.
Lea go bargis riekti oažžut bálkká?
Bargit almmolaš bargosajiin ožžot dábálaččat bálkká bargoaddis. Priváhta ealáhusain lea fitnodagaid duohken. Jus bargi ii oaččo bálkká, de duopmostuollu máksá sutnje dan. Bargoaddin galggat dalle duođaštit bálkágáibádusa.
Sáhtát go ohcat beassama mielduopmárdoaimmas?
Mielduopmáriin lea čoahkkingeatnegasvuohta. Čoahkkingeatnegasvuođa rihkkun sáhttá dagahit sáhkku. Mielduopmárat sáhttet ohcat beassama juohke áššis, muhto leat garra gáibádusat beassamii. Stuora bargonoađđin ii leat dábálaččat leat doarvái buorre sivva beassamii.
Bistevaš beassan doaimmas addo gielddas mii lea válljen du mielduopmárin.