Mii dárbbašuvvo bálkestit olggos dan gii láigoha?
Go bálkestit olggos galggat dan gii láigoha, de láigošiehtadusas fertejit mearrádusat dán birra dahje don fertet fámohuhttán láigošiehtadusa. Dábálaš sivat bálkestit olggos dan gii láigoha sáhttet leat
- ahte láigošiehtadusas čuožžu son gii láigoha ferte olggos jus láigu ii máksojuvvo dahje láigoáigodat lea nohkan
- láigošiehtadus lea celkon eret ja son gii láigoha ii leat vuosttildan čálalaččat eretcealkima
- don leat fámohuhttán láigošiehtadusa váilevaš mákson viessoláiggu, vuolleláigoheami dahje rieja geažil, dahje ahte son gii láigoha eará láhkái láhtte nu ahte dat duođai vaháguhttá dahje ráfehuhttá
Movt don bivddát bálkestit olggos dan gii láigoha?
Jus háliidat bálkestit olggos dan gii dus láigoha, de fertet sáddet spiehkastangáibádusa diggegoddái. Don sáhtát geavahit spiehkastangáibádusa málle (PDF).
Don ferte bidjat mielde:
- spiehkastandieđáhusa bággočađahanlága § 4 - 18, boarráset go guokte vahku
- vejolaš láigošiehtadusa
Meannuda go diggegoddi buot spiehkastanáššiid?
Muhtun spiehkastanáššiid meannuda diggegoddi, earáid nammafáldi/politiija. Diggegoddi meannuda áššiid bággočađahanlága § 13-2, bustáva d) ja e) mielde.
Gosa galggat sáddet gáibádusa?
Láigoviesu čujuhus mearrida makkár diggegoddi meannuda du gáibádusa. Geahča diggegottiid listtu. Gáibádusa sáhtát don sáddet boasttas dahje doalvut diggevissui.
Šattat go máksit go gáibidat spiehkasteami?
Don fertet máksit divada go gáibidat spiehkasteami. Divadiid- ja máksinsiiddus gávnnat dieđuid.
Mii dáhpáhuvvá jus diggegoddi mearrida ahte son gii láigoha galgá olggos?
Jus diggegoddi mearrida son gii láigoha galgá bálkestuvvot olggos, de sáddet mii ášši viidáset nammafáldái/politijii. Sii váldet duinna oktavuođa šiehtadit áiggi bálkestit olggos su gii dus láigoha.