Go ovttaseallin boatkana dáhpáhuvvá ahte ii leat ovttamielalašvuohta gos mánát galget orrut, ja galgá go mánát ovttastallat dainna váhnemiin gean luhtte eai galgga orrut. Váhnemat sáhttet dalle diktit duopmostuolu mearridit dan, dahje dahkat šiehtadusa rievttis (riektesoabahusa).
Movt jus duopmu dahje šiehtadus ii dollojuvvo.
Jus váhnen i čuovvol dan mii duomus dahje ovttastallama riektesoabahusas lea mearriduvvon, sáhttá nubbi gáibidit ahte vuosttažin namuhuvvon galgá máksit bággosáhku. Sáhku ferte máksit juohke háve go son ii beasa ovttastallat mánáin. Máksu manná stáhtakássii.
Jus duopmu dahje bissovaš orrunsaji riektesoabahus ii dollojuvvo, sáhttá váhnen molssaeaktun bággosáhkkui bivdit máná buktit iežas lusa.
Mo gieđahallá diggegoddi dákkár áššiid?
Gáibádus bákkus ollašuhttit ovttastallanrievtti dahje bissovaš orrunsaji mánnái sáddejuvvo diggegoddái gos ášši vástideaddji orru.
Ovdal go diggegoddi mearrida ášši, beassá dábálaččat ášši vástideaddji dábálaččat addit cealkámuša. Duopmár sáhttá mearridit ahte son galgá beassat ságastallat mánáin vai mánná beassá muitalit iežas oaivila. Dat sáhttá maiddái dollot riektečoahkkin gos váhnemat ja vejolaš vihtanat ožžot čilget iežaset oainnuid.
Go diggegoddi lea čállán bággosáhku mearrádusa, ja ovttastallama dahje bissovaš orrunsaji čađaheapmi ii velá čuovvoluvvo, sáhttá ášši vuolggaheaddji bivdit namsválddi/politiijaid mávssihit sáhku ášši vástideaddjis.
Mearrádus ahte mánná galgá dolvojuvvot dan váhnema lusa gos galgá orrut bissovaččat, sáhttá juogo leat ahte ášši vuolggaheaddjái alcces addojuvvo lohpi viežžat máná, dahje ahte namsváldi/politiijat dahket dan.