Don sáhtát ieš jođihit iežat ášši, advokáhta haga
Eanajuohkinrievttis lea dábálaš ieš jođihit iežas ášši.
Jođihit iežas ášši diggerievttis
Dat sáhttá gánnáhit bures čiekŋudit iežas riekteprosessii, ja ráhkkanit bures ovdanbuktit iežas ášši buoremus lági mielde.
Váikke vel seasttát olggosgoluid advokáhtii, de fertet dábálaččat máksit vuostebeali áššegoluid jus vuoittáhalat ášši. Jus cegget ášši gean nu vuostá, ja geasát ášši dađistaga, de fertet dábálaččat maid máksit vuostebeali advokáhta goluid.
Dat sáhttá leat váttis jođihit iežas ášši, jus láhkadiehta lea moalkái dahje duođaštusdilli lea viiddis. Dat sáhttá maid šaddat váttis doalahit čielga fokusa, jus riidu dagaha garra dovdduid. Dákkár diliin sáhttá leat ovddolaš geavahit advokáhta.
Fuomáš ahte diggi soames háviid sáhttá geatnegahttit du geavahit advokáhta.
Oaččut go doarjaga advokáhtii?
Dat lea vejolašvuohta oaččut gokčot advokáhta goluid. Jus dus lea unnán tienas ja opmodat, de sáhtát ohcat stádahálddašeaddjis friija riekteveahkki. Riekteveahki fállet maid dáhkádusat, ásodatsearvvit ja fágasearvvit. Dan dahket maid Advokatvakten ja muhtton oahpposearvvit. Molssaeaktu lea ovddidit ášši Riidočoavdinráđđái, mii lea nuvttá. Dat sáhttá leat ovdamonni jus dus galgá leat oktavuohta vuostebeliin, maiddái maŋŋágo riido lea mearriduvvon. Ovdamearkan dákkár riiduide lea riidu ránnjáin ja riidu bargosajis.
Jus jođihat iežat ášši, de fertet dahkat buot bargguid maid advokáhta dábálaččat bargá nugo ráhkkana ášši riektečoahkkimiidda.
Divat
Eanáš áššiin fertet máksit divvaga ovdalgo ášši meannuduvvo. Muhtton áššiin ii leat divat máksu, eret eará vánhenriidoáššit, áhččivuođaáššit, muhtton áššit viessoláigolága vuođul ja virgegáhttenáššiin maid bargi lea vuolggahan.