Buohkain geain lea ruhtagáibádusat sáhttet bivdit diggegottis konkursarahpama. Fitnodat sáhttá maid bivdit konkursarahpama iežas fitnodagas. Dán namma lea heaittiheapmi.
Makkár eavttut fertejit sajis konkursarahpamii?
Diggegoddi sáhttá rahpat konkurssa go son geas lea ruhtavealgi ii nagot máksit vealggi. Ii nagot máksit velggiid mearkkaša ahte árvvut ja dietnasat eai govčča vealggi, ja máksinváttisvuođat leat bistevaččat.
Movt bivddát diggegottis konkursarahpama?
Jus háliidat diggegoddi galgá rahpat konkurssa, de fertet sáddet sisa konkursagáibádusa. Don sáhtát sáddet gáibádusa boasttas dahje doalvut dan diggegoddái.
Makkár diggegoddi meannuda konkursagáibádusa?
Čujuhus olbmui dahje fitnodahkii geas lea ruhtavealgi dutnje mearrida makkár diggegoddi meannuda du gáibádusa. Geahča bajilgova buot diggegottiin. Gáibádusa sáhtát don sáddet boasttas dahje doalvut diggevissui.
Šattat go máksit go gáibidat muhtuma konkursa?
Don fertet máksit divada go gáibidat muhtuma konkursa.
Jus gáibidat heaittihit iežat fitnodaga, de it dárbbaš máksit. Bargit geain lea gáibádus maid bálkádáhkidanortnet gokčá eaige dábálaččat dárbbaš máksit.
Mii dáhpáhuvvá maŋŋel go diggegoddi lea ožžon konkursagáibádusa?
Jus gáibádusas eai leat váilevašvuođat, de gohččojuvvobeahtti riektečoahkkimii don ja dat geas lea ruhtavealgi dutnje. Go fitnodat gáibida heaittiheami, de diggegoddi sáhttá rahpat konkurssa riektečoahkkima haga.
Konkursarahpamis oažžu advokáhtta oapmehálddašeaddjibarggu diggegottis. Advokáhta bargu lea háhkat ruđaid maiguin máksá mávssetkeahtes gáibádusaid.
Rievddada man guhkes áiggi diggegoddi atná loahpahit konkursaášši.