Go muhtun lea dutnje velggolaš ruđaid ja dus lea bággovuođđu, de sáhtát diggegottis bivdit bággovuovdima. Bággovuođđu sáhttá leat šihttojuvvon pánta, sihkarvuohtan viessolotnii, bearranpánta ja láhkamearriduvvon pánta oktasašgoluide dahje suohkanlaš divadiidda.
Jus du gáibádus ii máksojuvvo, eaige boađe ge vuosttildeamit, de diggegoddi sáhttá mearridit bággovuovdima opmodagas.
Movt bivddát diggegottis bággovuovdima?
Jus háliidat gáibidit bággovuovdima opmodagas, de fertet sáddet gáibádusa diggegoddái.
Don ferte bidjat mielde
- bággočađaheami dieđáhusa bággočađahanlága § 4-18 mielde, boarráset go guokte vahku (bággovuovdima dieđáhusa málle)
- vuođđogirjji čáláhusa, ii boarráset go golbma mánu
- kopiija bággovuođus (omd. kopiija pántadokumeanttas)
Makkár diggegoddi meannuda bággovuovdingáibádusa?
Don fertet sáddet gáibádusa dan diggegoddái gos opmodat lea. Dás gávnnat donlisttu mas leat buot diggegottit. Gáibádusa sáhtát don sáddet boasttas dahje doalvut diggevissui.
Šattat go máksit go gáibidat bággovuovdima?
Don fertet máksit divada go gáibidat bággovuovdima opmodagas. Geahča eanet dieđuid divada ja máksima birra.
Mot dáhpáhuvvá vuovdin?
Eanas bággovuovdimiin geavaha diggegoddi advokáhta dahje opmodatsoabaheaddji vuovdit opmodaga. Vuovdin sulasta eaktodáhtolaš vuovdimii.