Guđe ládje dieđiha diggegoddi dutnje ášši birra?
Diggegoddi gulaha dutnje ášši birra poastta digitála vuolláičállinbálvalusas, dahje politiijain/váldostevdnenvihtaniin.
Gulahus lea earenoamáš mállet diehtu rievttálaš daguid ja mearrádusaid birra. Ulbmil lea fuolahit vuostáiváldái jođánis ja sihkkaris dieđiheami.
Jus dus leat báikedoalu lahtut badjel 18 jagi, de sidjiide addo nai diehtu.
Leatgo sierramielalaš ahte opmodat galgá bákkus vuvdojuvvot?
Don sáhtát vuosttildit bággovuovdima ovtta mánu siste dan rájes go gáibádus lea dutnje addon diehtun.
Háliidat go maŋidit ášši?
Jus don ja ášši vuolggaheaddji soahpabeahtti máksinšiehtadusa, de ášši vuolggaheaddji sáhttá diggegottis bivdit maŋideami. Bággovuovdin joatká jus it čuovvol šiehtadusa.
Sáhtát go garvit bággovuovdima opmodagas?
Jus mávssát iežat vealggi, de ášši vuolggaheaddji geassá ruovttoluotta ášši.
Mii dáhpáhuvvá bággovuovdimis?
Go diggegoddi mearrida bággovuovdima, de advokáhtta dahje opmodatsoabaheaddji oažžu vuovdinbarggu. Vuovdin sulasta eaktodáhtolaš vuovdimii.
Jus don it ovttasbargga čađahit vuovdima nu ahte leat olámuttos veahkkái ja lážát dili čájehemiide, de diggegoddi sáhttá mearridit ahte nammafáldi/politiija galgá bálkestit du olggos (spiehkasteapmi).
Sáhtát go ieš vuovdit opmodaga?
Nu guhká go bággovuovdin ii leat čađahuvvon, de sáhtát ieš vuovdit opmodaga. Don dahje ášši vuolggaheaddji berrebeahtti dalle bivdit diggegoddi maŋidit ášši.