Bákkolaš vealgeortnet - go don ja velgoheaddji eahppi soabat
Jus don ja velgoheaddji eahppi soabat vealgešiehtadallamiin, de nammafáldi sáhttá du veahkehit ráhkadeame evttohusa bákkolaš vealgeortnegii. Evttohus sáddejuvvo diggegoddái.
Vaikko du velgoheaddjit eai leat ovttaoaivilis, de diggegoddi sáhttá mearridit ahte don galggat oažžut bákkolaš vealgeortnega.
Diggegoddi sáhttá hilgut bákkolaš vealgeortnega gáibádusa jus vealgeortnega eavttut eai leat devdon. Ovdamearkan sáhttá leat ahte vealgeortnega evttohus orru čuohcame eará velgoheddjiide dahje servodahkii muđui.
Vealgeortnega fámohuhttin
Du velgoheaddjit sáhttet bivdit diggegotti fámohuhttit du vealgeortnega jus
- don it mávsse ruđaid velgoheddjiide nu movt galggat vealgeortnega mielde
- don it dieđit iežat velgoheddjiide iežat ekonomiija rievdadusaid birra
Jus vealgeortnet fámohuhttojuvvo, de velgoheaddjit sáhttet gáibidit du máksit buot velggiid sidjiide.
Velgoheaddji galgá álohii sáddet fámohuhttingáibádusa diggegoddái.
Vealgeortnega rievdadus
Lea nammafáldi mii veahkeha du ráhkadit vealgeortnegii rievdadanevttohusa. Jus don ja velgoheaddjit soahpabehtet rievdadusa, de nammafálddi evttohus nanne dan ja ášši ii boađe diggegoddái. Jus ehpet soabat, de don sáhtát bivdit diggegottis bákkolaš rievdadusa. Dáppe maid oaččut veahki nammafálddis.
Velgoheaddji sáhttá maid bivdit vealgeortnegis rievdadusa, jus don mealgadii buorrána ekonomiija dahje oaččut skeaŋkka, árbbi dahje sullasaččaid.
Velgoheaddji galgá álohii sáddet rievdadusgáibádusa diggegoddái.