Don leat váruhuvvon rihkolaš áššiid bargan
Ii oktage sáhte dubmejuvvot go ii leat bargan rihkolaš áššiid. Ráŋggáštusláhka čujuha mii lea rihkolaš ášši.
Jus politiijat oaivvildit ahte dahkku galgá ráŋggáštuvvot sáhkuin, de oaččut don nu gohčoduvvon sáhkkocelkosa. Jus dohkkehat sáhku lea ášši mearriduvvon. Jus it dohkket, manná ášši viidáseappot duopmostullui.
Ovtta duođalaš áššis ii leat sáhkkocealkkus vejolaš. Dakkár dáhpáhusain sádde politiija áŋkke ášši duopmustuoluide. Jus áššáskuhtton olmmoš dovddasta politiijaide, de sáhttet áššáskuhttineiseváldi ávžžuhit ahte ášši galgá mearriduvvot almma áššáskuhttinmearrádusa ja váldošiehtadallama haga. Diggegoddi sáhttá dalle cealkit dovddastanduomu. Okta dovddastanášši dábálaš ráŋggáštanášši mii lea álkiduvvon das mii gohččoduvvo mielduopmárriekti.
Jus ášši ii sáhte mearridit sáhkkocelkosiin dahje dovddastanduomuin, de ásahuvvo áššáskuhttin go ášši lea gárvásit dutkojuvvon. Dalle biddjo ášši mielduopmárriektái duopmostuolus.
Don it leat ovtta oaivilis muhtimin - siviila ášši
Siviila ášši álgá dainna ahte guokte dahje eanet bealit eai nagot čoavdit nákku ieža, ja danne mannet riekteappárahtii mearridan dihtii nákku. Okta bealli sáhttá leat priváhta olmmoš, fitnodat, organisašuvdna, almmolaš etáhta dahje almmolaš doaibma.
Mihtilmas leat soahpatmeahttunvuođat rievttis leat ovdamearkka dihte ahte A oaivvilda B lea velggolaš sutnje ruđa, ahte A mielas leat ránnjás B leat beare guhkes muorat, ahte A oaivvilda ahte viessu maid son osttii B:s leat váilevašvuođat, dahje ahte A ja B leaba sierranan eabage soabat movt oktasaš opmodat galgá juhkkojuvvot.
Ášši priváhta beali vuostá álggahuvvo soabahusráđis. Jus bealit eai soabat doppe, jus goappašagain leat advokáhtat ovddasteaddjin, dahje jus lea almmolaš bealli de manná ášši njuolga diggegoddái mii mearrida ášši.
Ráŋggáštahtti dahkku čuohcá dutnje
Jus ráŋggáštahtti dahkku geavvá dutnje, leat don juridihkalaš tearpmain vaháguvvan bealli ráŋggáštusáššis. Don sáhtát dalle gohččojuvvot vihtanin, ja muhtun dáhpáhusain nammaduvvot maiddái veahkkeadvokáhtta dutnje.
Don leat vihtan rihkolaš áššis
Vihtan lea olmmoš gii čilge riektái maid son lea oaidnán, gullan, jurddašan, dovdan dahje oaivvildan konkrehta dili birra. Du gohččot dalle vihtanin.
Don leat válljejuvvon mielduopmárin
Okta prinsihppa norgga riektestáhtas lea ahte galget leat iežas veardásašaččat geat dubmejit. Danne leat mis mielduopmárat. Sii lea eanetlogus buot ráŋggáštusáššiin.