Háliidatgo viežžat testameantta maid leat vurken?

Vaikko lea viežžan testameantta, de dat sáhttá ain geavahuvvot go don jámát, jos das gávdno originálat dahje máŋgosat. Jus it dan háliit, de fertet juogo gaikkodit dahje sárgot testameantta. Seamma láhkai fertet dahkat máŋgosiiguin. Sáhtát maid dáhttut ruovttoluotta testameantta jus čálát ođđa testameantta. Das galggat čállit ahte leat dáhtton ruovttoluotta  ovddeš testameantta.

Man ollu máksá viežžat testameantta?

Ii dárbbaš máksit maidege go vieččat testameant. Don galgá máksit divvaga dušše dalle go don rievdadat testameantta, čálát ođđa lassitestameantta dahje ođđa testameantta, ja háliidat dan vurket diggegottis.

Viežžat iežat testameantta 

Jus don boađát persovnnalaččat, de fertet váldit mielde 

• kopiija legitimašuvnna mas lea govva ja vuolláičála 

Jus don dáhttut oažžut testameanta poasta mielde, sádde mielde 

• kopiija lobálaš legitimašuvnna mas lea govva ja vuolláičála 

• vuolláičállojuvvon reive mas bivddát testameantta

Viežžat oktasaš testameantta 

Jus goappašagat eai sáhte boahtit diggegoddái, de ferte son gii boahtá diggegoddái váldit mielde 

• goappašagain kopiija lobálaš legitimašuvnna mas lea govva ja vuolláičála 

• vuolláičállon fápmudus sus gii ii boađe 

Jus bivdibeahtti testameanta poasta mielde, sádde mielde  

• goappašagain kopiija lobálaš legitimašuvnna mas lea govva ja vuolláičála 

• vuolláičállon reive mas bivdibeahtti testameantta ruovttoluotta

Sáhttet go earát addit testameantta dutnje?

Jus dus ii leat vejolašvuohta ieš viežžat testameantta, de sáhtát oažžut nuppi olbmo viežžat dan du ovddas. Fuomáš ahte váldeguoddit eai sáhte viežžat du testameanta dahje kopiija das.

Gáibádusaid maid ferte fuomášit go earát vižžet testameanta du ovddas:

Priváhta olmmoš 

Son guhte viežžá testameanta du ovddas, ferte váldit mielde

• čálalaš fápmudusa dus mii addá vuoigatvuođa viežžat du testameanta

• kopiija du lobálaš legitimašuvnnas oktan govain ja vuolláičállagiin

• kopiija iežas lobálaš legitimašuvnnas oktan govain ja vuolláičállagiin

Advokáhtta 

Advokáhtat geat galget vižžet testameantta klieantta ovddas, fertejit

• duođaštit mielddusreivves ahte galget testameantta viežžat testatora ovddas 

• bidjat mielddusin vuolláičállon fápmudusa testatoris gos addo vuoigatvuohta viežžat testameantta

• bidjat mielddusin kopiija lobálaš legitimašuvnnas oktan govain ja vuolláičállagiin