Man ollu máksá vurket testameantta?
Don fertet máksit divaga jos háliidat vurket testameantta diggegottis. Mii sáddet dutnje rehkega. Jus don rievdadat testameantta, čálát lassitestameantta dahje ođđa testameantta ja háliidat vurket dan diggegottis, de fertet máksit ođđa divada.
Og buvttás ođđa testameanta vurkemii, de berret dáhttu dan boares testameanta jus dat ii galgga gustot.
Iežat testameantta vurken
Jus háliidat vurket iežat testameantta, de lea dehálaš muitit
• testameanta galgá leat originála hámis
• don galggat bidjat mielddusin vuolláičállon mielddusreivve mas boahtá ovdan ahte hálidat vurket iežat testameantta diggegottis
• don galggat bidjat mielddusin kopiija lobálaš legitimašuvnnas govain ja vuolláičállagiin
Oktasaš testameantta vurken
Jus háliidat vurket testameantta maid leat čállán ovttas earáiguin, de lea dehálaš muitit
• testameantta galgá leat originála hámis
• Doai galgabehtet bidjat mielddusin reivve maid guktot leahppi vuolláičállán, ja mas boahtá ovdan ahte dáhttubeahtti vurket testameantta diggegottis
• Goappašagain mielddusin kopiija lobálaš legitimašuvnnas govain ja vuolláičállagiin
Jus goappašagat eaba sáhte ovttas buktit testameanta, de lea dehálaš muitit
Čálalaš fápmodus sus gii ii sáhte boahtit
Sáhttet go earát buktit testameantta du ovddas?
Sihke priváhta olbmot ja advokáhtat sáhttet buktit du testameantta diggoddái. Mii bidjat dákkár gáibádusaid sutnje gii buktá du testameantta:
Priváhta olmmoš
Son gii buktá du testameantta, ferte váldit mielde
• čálalaš fápmudusa dus mii addá vuoigatvuođa testameantta buktit vurkemii
• kopiija du legitimašuvnnas oktan govain ja vuolláičállagiin
• kopiija su legitimašuvnnas oktan govain ja vuolláičállagiin
Advokáhtta
Advokáhta gii buktá testameantta du ovddas ferte váldit mielde
• mielddusreivve mas advokáhtta duođašta ahte buktá du testameantta
• kopiija du legitimašuvnnas mas lea govva ja du vuolláičála
Gávdnet og maid ohcet?