Maid bargá vihtandoarjja?
Dikkis vihtanuššat sáhttá lea máŋgasiidda amas. Vihtandoarjja lea fálaldat dutnje gii galggat vihtanuššat. Vihtandoarjja fállá olmmošlaš doarjaga ja rávve das mii dáhpáhuvvá dikkis. Sáhtát hállat vihtandoarjagiin sihke ovdal ja maŋŋá diggeášši. Muhtin dilálašvuođain sáhttá vihtandoarjja leat mielde diggelatnjii. Vihtandoarjja lea bealátkeahtes ja neutrála ja sus lea jávohisvuođageasku.
Ortnega čoavddacealkka lea "Oadjebas vihtan lea buorre vihtan". Vihtandoarjja čilge dutnje makkár rollat iešguđetlágan oassálastiin leat, ja gokko sii čohkkájit diggelanjas. Vihtandoarjja sáhttet maid čilget dutnje mii dáhpáhuvvá diggelanjas. Dalle don galggašit dovddat iežat eanet oadjebassan ja bidjat fuomášumi dasat maid galggat čilget. Dát fas attášii duopmáriidda buori vuođu dahkat mearrádusa áššis.
Vihtandoarjja galgá addit vihtaniidda praktihkalaš dieđuid das mii dáhpáhuvvat dikkis. Dat mearkkaša ahte vihtandoarjja(-gis):
• addá dieđuid riekteproseassa ja riektevuogádaga birra
• nákce gulahallat olbmuiguin ja fállat doarjaga
• lea jávohisvuođageatnegasvuohta
Vihtandoarjja galgá sáhtit gulahallat áššiin almmá ovddidit iežaset oaiviliid áššái, son ii ge galgga rávvet maid vihtan galgá dadjat.
Makkár duopmostuolut fállet vihtandoarjaga?
Juohke lágamánnerievttis leat vihtandoarjagat.
Juohke diggegoddi fállá vihtandoarjaga, muhto eai buot riektebáikkiin. Váldde oktavuođa báikkálaš duopmostuoluin.
Digitála vihtandoarjja
Lea maid vejolaš oažžut vihtandoarjaga digitálalaččat. Fálaldat guoská sihke dutnje gii galggat duođaštit digitálalaččat ja dutnje gii galggat boahtit diggái. Digitála vihtandoarjja vástida jearaldagaid olles riikkas.
Nanne riektesihkarvuođa ja bálvalusa
Jos vihtan beassá čiekŋudit iežas čilgehussii, de oažžu riekti buori vuođu čállit mearrádusa. Vihtandoarjja guhte čilge buot praktihkalaš gažaldagaid ja fállá doarjaga, geahpeda vihtana eahpesihkkarvuođa go boahtá duopmostullui. Dát mearkkaša ahte ortnet nanne riektesihkarvuođa.
Vihtandoarjja ortnet mearkkaša maiddái buoret bálvalusa duopmostuoluin. Eanaš duopmostuoluin eai leat bargit geat sáhttet vuostáiváldit vihtaniid ja neavvut sin. Ollu vihtanat šaddet maid vuordit guhká ovdal go šaddá sin vuorru, ja dađi bahábut eai álo oaččo dieđuid jus diggi lea maŋŋonan. Vihtanat geat bohtet duopmostulli vihtandoarjja vehkiin, ožžot dávjá eanet dieđuid jus fertejit vuordit.
Norggas lea vihtandoarjjaortnet dasa lassin eaktodáhtolaš. Dát mearkkaša ahte vihtanat leat bealátkeahttá, eaige leat čadnon ášši oasehasaide.
Háliidat go leat vihtandoarjja?
Jus háliidat leat vihtandoarjja, de ferte leat badjel 18 jagi ja dus ferte leat buhtes eallingeardi/vandel. Don fertet čađahit jearahallama ja oaččut oahppu. Váldde oktavuođa iežat báikkálaš duopmostuoluin dahje báikkálaš Rukses Ruossain gullan dihtii leago sis dát ortnet.
Vihtandoarjagiin leat don duopmostuolus su. dii. 08:30-15:30, dahje dassážiigo maŋimuš vihtan lea mannan. Boahtináiggit sáhttet molsašuddat ja dus leat dábálaččat vákta guokte beaivvi mánus.
Oahpahusfilbma
Filbma "Vihtandoarjja" čájeha njeallje áššečuolmma das mo dustet olbmuid geain leat iešguđetlágan dárbbut. Dat čájeha buriid ja heajos čovdosiid, maid vihtandoarjagat besset digaštallat.
Filbma ii čájet "buoremus práksisa", muhto lea oahpahusfilbma.
Geahča filmma "Vihtandoarjja".
Vihtandoarjagiid giehtagirji
Vihtandoarjagiid giehtagirji (PDF) geavahuvvo ođđa vihtandoarjagiid oahpahusas.
Jus háliidat eambbo diehtit dan birra, de váldde oktavuođa Elin Helen Kvalvik Utvik:in Duopmostuollohálddahusas.