Gillájeddji ja oarbásat

Jus don leat vásihan ráŋggáštahtti dagu, de leat gillájeaddji áššis. Go ráŋggáštahtti dahkku mielddisbuktá jápmima, de gohčodit náittosguoimmi, mielguoimmi, mánáid dahje jápmán olbmo váhnemiid oarbásiin.

Oasalástin diggeáššis

Gillájeaddji ja oarbásat geat galget čilget dikkis, ožžot vihtanstáhtusa, ja sis  leat sierra vuoigatvuođat dikkis. Sii besset oassálastit juohke diggečoahkkimii, jus duopmár ii mearrit eará. Gillájeaddjis ja oarbásiin lea vuoigatvuohta čuovvut olles dikki. Eará vihtanat besset čuovvut diggeášši easkka maŋŋel go ieža leat čilgen ášši.

Jus gillájeaddjis ja oarbásiin lea vuoigatvuohta oažžut doarjjaadvokáhta, de galgá gillájeaddji čilget ovdal áššáskuhttoma. Muhtumin sáhttet oarbásat čilget ovdal áššáskuhttoma. Gillájeaddjis ja oarbásiin geain lea doarjjaadvokáhtta lea vuoigatvuohta buktit mearkkašumiid duođaštusaide mat ovddiduvvojit, ja buktit loahpalaš mearkkašumi. Dasa sáhttet oažžut veahkki doarjjaadvokáhtas.

Doarjjaadvokáhta

Doarjjaadvokáhtta galgá fuolahit gillájeaddji vuoigatvuođaid dutkamis ja dikki oktavuođas. Lea almmolašvuohta mii máksá doarjjaadvokáhta. Sihke gollájeaddjis ja oarbásiin sáhttá leat riekti oažžut doarjjaadvokáhta.  Dábálaččat lea dus vuoigatvuohta oažžut doarjjaadvokáhta áššiin nugo

• lahkonangildosa rihkkun

 • bággonáitaleapmi 

• olmmošgávppašeapmi 

• illasteapmi lagaš oktavuođain 

• sohkabeale orgánaid illasteapmi 

• seksuála illasteapmi 

• fámu boastutgeavaheapmi 

• mearkkašahtti rumaš dahje dearvvašvuođa vahágahttin

Riekti sáhttá dasa lassin nammadit doarjjaadvokáhta, jus earenoamáš dilálašvuođat dahket dan dárbbašlažžan.

Oarbásis  geas lea váhnenovddasvástádus vuolleahkásaččas gii lea jápmá ráŋggáštahtti dagu geažil, lea maid vuoigatvuohta oažžut doarjjaadvokáhta. Eará oarbásat sáhttet maid oažžut doarjjaadvokáhta.

Buhtadusmáksu

Jus dus lea doarjjaadvokáhtta, de sáhttá advokáhtta gáibidit buhtadusa. Jus dus ii leat doarjjaadvokáhtta, de sáhtát ovddidit buhtadusgáibádusa ášši áktorii.

Ii leat guoddalan vejolašvuohta 

Gillájeaddjis ja oarbásiin ii leat vejolašvuohta guoddalit mearrádus áššáskuhttoma vuostá.