Ekonomalaš buhtadus
Vihtanin ráŋggáštusáššis lea dus vuoigatvuohta oažžut máksot mátkki ja vejolaš idjadangoluid diggeášši oktavuođas. Seamma guoská masson bargodietnasii.
Siviila áššiin fertet šiehtadit suinna gii lea gohččun du oaččudihte máksot ruovttoluotta goluid.
Loga eambbo du vuoigtavuođaid birra.
Mo galggat gárvodit?
Gárvot dábálaš čáppa biktasin. Deháleamos lea ahte dovddat iežat oadjebassan. Olgobiktasiid nuolat ovdalgo manat diggelatnjii. Garvve gahpira/linnjii mii dagaha váttisin oaidnit du ámadaju.
Sáhtát go váldit muhtuma mielde?
Don sáhtát váldit soapmása mielde doarjjan riektečoahkkimii, nu guhká go sii eai leat vihtanat áššis. Sii geaid don válddát mielde fertejit čohkkát gehččiid sajis. Jus háliidat daid lagabuidda, de fertet ovddalgihtii jearrat áktoris.
Fertet go boahtit?
Lea dehálaš ahte don boađát čoahkkimii nugo gohččumis boahtá ovdán. Don leat rievtti mielde geatnegahtton boahtit vihtanin, beroškeahttá man guhkás fertet johtit. Sáhtát beassat boahtimis jus mátki leat guhki. Lea dehálaš ahte don dakkaviđe válddát oktavuođa dikkiin jus dan háliidat. Don fertet boahtit čoahkkimii dassái go leat ožžon lobálaš jávkama.
Jus it sáhte ieš boahtit, de sáhtát čilget telefovnna dahje video bokte.
Naba jus buohccát?
Jus buohccát dahje eará sivaid geažil it sáhte boahtit, de fertet dieđihit dan duopmostullui nu jođánit go vejolaš. Don fertet oažžut doavtterduođaštusa ja sáddet dan midjiide. Leat mii geat mearridit leago dát buohcuvuohta lobálaš jávkan. Jus it dieðit jávkama nu joðánit go vejolaš, de sáhtát oažžut sáhku ja buhtadanovddasvástádusa. Muitte ahte gohččun gusto dassážiigo oaččut luvvema.
Sosiála mediat ja diggeášši
Don berret dárkilit smiehttat ovdal go čálát iežat vásáhusaid sosiála mediaide. Sihkkareamos lea ahte it čále maidege. Maid don čálát, sáhttá leat lossat earáide. Lea maiddái várra ahte don sáhtát váikkuhit eará vihtaniid áššis. Dan maid don čálát sosiála mediain, sáhttet mediat fuobmát.