Manne fertet vihtanuššat?
Don leat ožžon gohččoma áššái danne go bealálaččat dahje diggi oaivvilda don dovddat juoidá maid livččii dehálaš diehtit. Don leat geatnegahtton boahtit go leat gohččon ja muitalit duohtavuođa go čilget dikkis.
Diggeášši mearriduvvo dan vuođul mii boahtá ovdan diggesálas. Danne fertejit vihtanat čilget ášši vai duopmárat besset gullat vihtanuššama. Dát gusto maiddái váikko leat čilgen ášši politiijaide dahje oasehasaid advokáhtii.
Sáhtát go biehttalit vihtanuššamis?
Ii oktage sáhte biehttalit boahtimis. Eatnasiin lea geatnegasvuohta čilget iežaset. Spiehkastat lea jus áššáskuhtton lea dutnje lagas bearašlahttu. Váldde oktavuođa áktorin jus eahpidat iežat geatnegasvuođa čilget.
Sáhtán go deaivat vearredahkki dikkis?
Vearredahkki lea diggelánjas. Sus lea vuoigatvuohta guldalit buot vihtaniid nu ahte beassá kommenteret dan mii daddjo dikkis. Hála áktorin jus it háliit deaivat geange go boađát duopmostullui dahje dan botta go leat vuordimin olggobeale diggelanja.
Sáhtát go vihtanuššat telefovnna - dahje video bokte?
Jus ásat seamma báikkis gos diggeášši lea, de galggat boahtit diggái. Jus dát mielddisbuktá ahte fertet mátkkoštit guhkás, de gula áktorin ovddalgihtii makkár vejolašvuohta lea beassat vihtanuššat telefovnna- dahje video bokte.
Geat bohtet diggái?
Measta buot diggeáššit leat rahpasat buohkaide. Eanaš áššiin eai leat dattetge earát mielde go sii geat oassálastet áššis. Jus áiggut čilget hui persovnnalaš áššiin, de sáhtát áktoris dahje duopmáris jearrat beassat čilget earáid gullot haga.
Muhtun áššiin čuvvot journalisttat ášši. Journalisttat eai láve namahit vihtaniid geat čilgejit iežaset. Jus háliidat diehtit maid sii čállet, de sáhtát jearrat. Dábálaččat muitalit dan, muhto dát ii leat juoga masa dus lea vuoigatvuohta diehtit.
Vihtandoarjja fálaldat
Vihtandoarjja lea fálaldat dutnje gii galggat vihtanuššat. Vihtandoarjja fállá dutnje olmmošlaš doarjaga ja rávve mii dáhpáhuvvat dikkis. Don sáhtát geavahit vihtandoarjja fálaldaga sihke ovdal ja maŋŋá diggeášši. Muhtin dilálašvuođain sáhttá vihtandoarjja leat mielde diggelatnjii.