Spørsmålet om vedtak av 27. januar 2009 i skatteklagenemnda der eit norsk aksjeselskap ikkje fekk frådrag for tap på sal av aksjar i amerikansk dotterselskap, er gyldig
Høgsteretts dom 24.05.2011, HR-2011-01047-A, (sak nr. 2011/43), sivil sak, anke over dom
Kistefos Venture Capital AS (advokat Andreas Bullen) mot staten v/Skatt Øst (advokat Morten Søvik)
Dommarane: Utgård, Møse, Bull, Normann, Schei
Saka gjaldt spørsmålet om vedtak av 27. januar 2009 i skatteklagenemnda der eit norsk aksjeselskap ikkje fekk frådrag for tap på sal av aksjar i amerikansk dotterselskap, er gyldig.
Saka gjeld forståinga av skatteavtalen mellom USA og Noreg, samanhalde med skattelova § 9-4. Frådrag for tap kan etter skattelova § 9-4 givast berre dersom ein eventuell gevinst ved sal av aksjane hadde vore skattepliktig. Ein gevinst ville (ved likninga for 2003) vere skattepliktig i Noreg med mindre skatteavtalen gjorde at skattleggingsretten for eit norsk selskap sitt sal av aksjar i eit amerikansk dotterselskap låg i USA.
Høgsterett la til grunn at vilkåret i avtalen artikkel 24 nr. 8 om at gevinsten måtte ha kjelde i USA, var oppfylt. Om gevinsten ”kan skattlegges i USA” – som det heiter i skatteavtalen – må avgjerast ut frå føresegnene i skatteavtalen. Så langt var det såleis USA som hadde skattleggingsretten.
Spørsmålet var så om eventuell manglande heimel for skatt i USA, avskjer skattleggingsrett etter skatteavtalen. Utgangspunktet er at manglande intern heimel ikkje endrar plasseringa av skattelggingsretten etter ein skatteavtale. Her var det likevel ein særleg situasjon. Det var ein korrespondanse med amerikanske skattestyresmakter om eit norsk selskap sitt sal av aksjar i eit amerikansk holdingselskap. KVC er eit selskap med verksemd. Det var uklare omstende kring den bindande førehandsutsegna som korrespondansen hadde munna ut i. Ikkje under noko omstende hadde dette ført til at det var nokon avtale etter skatteavtalen.
Anken frå KVC førte etter dette ikkje fram.