Tysdag 31. oktober kl. 09.00 avseier Høgsterett i plenum dom i ACER-saka
Temaet er om Stortinget kunne samtykke til EUs tredje energimarknadspakke med alminneleg fleirtal.
Domsavseiinga blir òg strøymd her. Dommen blir publisert på heimesida vår så snart han er avsagd.
Domsavseiinga blir avvikla i plenumssalen i Høgsteretts hus (andre etasje) kl. 09.00 og tar om lag ein time. I ACER-saka deltar 17 dommarar.
Partane i saka
Nei til EU
(advokat Kjell Magnus Brygfjeld)
(Rettsleg medhjelpar: advokat Bent Endresen)
mot
Staten v/Utanriksdepartementet
(Regjeringsadvokat Fredrik Sejersted og advokat Lisa-Mari Moen Jünge)
Høgsterett i plenum og storkammer
Når dei aller viktigaste rettsspørsmåla skal avgjerast, blir Høgsterett sett anten i plenum med alle dommarane eller i storkammer med elleve dommarar. Dei fleste sakene blir avgjorde av Høgsterett i avdeling med fem dommarar.
Ved vurderinga av om saka skal behandlast i plenum eller storkammer, blir det mellom anna lagt vekt på om saka reiser spørsmål om konflikt mellom lover og Grunnlova eller avtalar Noreg er bunde av gjennom internasjonalt samarbeid.
Her finn du ei oversikt over tidlegare storkammer- og plenumssaker i Høgsterett
Strøyming
Domsavseiinga blir strøymd på heimesida til Høgsterett, www.hogsterett.no.
Vi vil også dele bilete frå retten på https://www.flickr.com/photos/hoyesterett/.
Bileta kan brukast fritt mot akkreditering.
Praktisk for pressa
Domsavseiinga går for opne dører, og det er ikkje restriksjonar når det gjeld filming eller fotografering, så lenge det ikkje forstyrrar rettsmøtet. For best mogleg tilrettelegging ønsker Høgsterett at presse som vil vere til stades i rettssalen, tar kontakt på info@hoyesterett.no innan måndag 30. oktober klokka 12.
Høgsterett vil dele bilete frå retten på Flickr etter rettsmøtet. Bileta kan brukast fritt mot akkreditering.
Kontaktinfo
E-post: info@hoyesterett.no
Rizwana Yedicam, informasjonsrådgivar, tlf. 45 21 72 36
Ida Dahl Nilssen, informasjonssjef, tlf. 96 23 72 76