Plenumssak i Høgsterett 24. - 27. januar: Snøkrabbefangst og det geografiske verkeområdet til Svalbardtraktaten
Frå tysdag 24. til fredag 27. januar behandlar Høgsterett i plenum saka om snøkrabbefangst og det geografiske verkeområdet til Svalbardtraktaten. Rettsmøtet blir strøymt.
Saka går for opne dører, i plenumssalen i Høgsterett.
Partane i saka
SIA North STAR Ltd.
(advokat Hallvard Østgård og advokat Mads Andenæs)
(rettsleg medhjelpar: advokat Brynjar Østgård)
Staten v/Nærings- og fiskeridepartementet
(Regjeringsadvokaten v/advokat Fredrik Sejersted)
(rettsleg medhjelpar: advokat Marius Kjelstrup Emberland)
Partane har levert sluttinnlegg.
Sluttinnlegget frå advokat Sejersted
Sluttinnlegget frå advokat Østgård
Tidsplan
Dag 1 – tirsdag 24 januar
0900-1000 Hovedinnlegg, ankende part
1000-1010 Pause
1010-1050 Hovedinnlegg, ankende part
1050-1100 Pause
1100-1145 Hovedinnlegg, ankende part
1145-1230 Pause
1230-1330 Hovedinnlegg, ankende part
1330-1340 Pause
1340-1430 Hovedinnlegg, ankende part
Dag 2 – onsdag 25. januar
0900-1000 Hovedinnlegg, ankende part
1000-1010 Pause
1010-1050 Hovedinnlegg, ankende part
1050-1100 Pause
1100-1145 Hovedinnlegg, ankende part
1145-1230 Pause
1230-1325 Hovedinnlegg, ankende part
1325-1335 Pause
1335-1430 Hovedinnlegg, ankemotpart
Dag 3 – torsdag 26. januar
0900-1000 Hovedinnlegg, ankemotpart
1000-1010 Pause
1010-1050 Hovedinnlegg, ankemotpart
1050-1100 Pause
1100-1145 Hovedinnlegg, ankemotpart
1145-1230 Pause
1230-1330 Hovedinnlegg, ankemotpart
1330-1340 Pause
1340-1430 Hovedinnlegg, ankemotpart
Dag 4 – fredag 27. januar
0900-1000 Hovedinnlegg, ankemotpart
1000-1010 Pause
1010-1050 Hovedinnlegg, ankemotpart
1050-1100 Pause
1100-1145 Hovedinnlegg, ankemotpart
1145-1230 Pause
1230-1345 Replikk, ankende part
1345-1355 Pause
1355-1430 Duplikk, ankemotpart
Det saka gjeld
Det latviske selskapet SIA North STAR Ltd. fekk i 2019 avslag på søknaden om dispensasjon for å fangste snøkrabbe på den norske kontinentalsokkelen. Reiarlaget ønskte å fangste snøkrabbe med fartøya Senator, Solvita og Saldus, men fekk avslag frå Fiskeridirektoratet og deretter Nærings- og fiskeridepartementet som klageinstans. Den norske reguleringa inneber i praksis at berre norske fartøy har høve til å fange snøkrabbe på kontinentalsokkelen.
Saka for Høgsterett gjeld gyldigheita av avslaget frå Nærings- og fiskeridepartementet på søknaden frå SIA North STAR Ltd. om løyve til å fangste snøkrabbe. Det sentrale spørsmålet er om det aktuelle vedtaket og forskrifta om forbod mot fangst av snøkrabbe er i strid med Svalbardtraktaten.
Svalbardtraktaten blei signert 9. februar 1920 og sett i verk 14. august 1925. I traktaten anerkjende partane Noregs «full and absolute sovereignty» / «la pleine et entière souveraineté» over øygruppa Svalbard, på dei vilkåra som er nedfelte i traktaten. Dei sentrale vilkåra i denne saka er artiklane 2 og 3 – særleg artikkel 2, som mellom anna regulerer retten til fiske for traktatpartane.
SIA North STAR Ltd. gjer gjeldande at Svalbardtraktaten artikkel 2 og 3 kjem i bruk også på Svalbards kontinentalsokkel og at vedtaket og den norske forskriften derfor er i strid med likebehandlingsprinsippet i Svalbardtraktaten. Både tingretten og lagmannsretten kom til at Svalbardtraktaten artikkel 2 og 3 ikkje gjeld på kontinentalsokkelen. SIA North STAR Ltd. anka til Høgsterett.
Les avgjerda frå Borgarting lagmannsrett
Høgsterett i plenum
I saker som er særleg viktige, kan det bestemmast at saka skal avgjerast av Høgsterett i storkammer, sett med 11 dommarar. Ved vurderinga skal det mellom anna leggast vekt på om saka reiser spørsmål om konflikt mellom lover og Grunnlova eller avtalar Noreg er bunde av i internasjonalt samarbeid. I heilt særlege tilfelle kan det bestemmast at saka skal avgjerast av Høgsterett i plenum, sett med alle dommarane i Høgsterett som ikkje er inhabile eller har gyldig forfall. Det er for tida 20 dommarar i Høgsterett, inkludert justitiarius. Talet på dommarar som voterer i saka, vil vera det høgste moglege oddetalet.
To av dommarane, dommar Falkanger og dommar Sæther, er inhabile og deltar ikkje i behandlinga av snøkrabbe-saka. Dommar Skoghøy og dommar Noer har forfall grunna sjukemelding.
Her finn du ei oversikt over tidlegare storkammer– og plenumssaker i Høgsterett
Strøyming
Rettsmøtet blir strøymt på heimesida til Høgsterett, www.hogsterett.no.
Vi vil også dele bilete frå retten på https://www.flickr.com/photos/hoyesterett/.
Bileta kan brukast fritt mot akkreditering.
Praktisk for pressa
Saka går for opne dører, og det er ikkje restriksjonar når det gjeld filming eller fotografering, så lenge det ikkje forstyrrar rettsmøtet. For best mogleg tilrettelegging ønsker Høgsterett at presse som vil vere til stades i rettssalen, tar kontakt på info@hoyesterett.no innan måndag 23. januar klokka 14.
Kontaktinfo
E-post: info@hoyesterett.no
Rizwana Yedicam, informasjonsmedarbeidar, tlf. 45 21 72 36
Ida Dahl Nilssen, informasjonssjef, tlf. 96 23 72 76